په‌رله‌مانێ ئوروپا پرۆژه بڕیاره‌ك ل دۆر عێراق و سوریا په‌سه‌ند كر
ئه‌ڤرۆ نیوز،زنار توڤى:
نوونه‌رێ حكومه‌تا هه‌رێمێ ل ئێكه‌تیا ئه‌وروپا دلاوه‌ر خالد ئاژگه‌یى تایبه‌ت بو ئه‌ڤرۆ نیوز راگه‌هاند:كو ئه‌ڤرۆ 12/2/2015 پروژه بریاره‌ك تایبه‌ت ب بوارێ مروڤى لسه‌ر عێراقێ و سوریێ ژلایێ په‌رله‌مانێ ئوروپا هاته په‌سه‌ند كرن و هه‌روه‌سا ئێكه‌تیا ئه‌وروپا داخواز ژ وه‌لاتێن ئه‌ندامێن ئێكه‌تیا ئه‌وروپا كر كو زێده‌تر هاریكاریا پێشكێشى خه‌لكێ ڤان هه‌ردوو وه‌لاتان بكه‌ن،هه‌روه‌سا بریار هاته دان كو كونفرانسه‌كێ نێڤ نه‌ته‌وه‌یى ژلایێ ئێكه‌تیا ئه‌وروپا بهێته گرێدان بو پتر پشتگیرى كرنا عێراقێ ژلایێ مروڤى ڤه و هاندانا وه‌لاتێن جیهانێ بكه‌ن كو به‌شداریه‌كا كارا بكه‌ن بو هاریكاریكرنا عێراقێ.
دلاوه‌ر خالد گوت ژى: پشتگیرى ل بریارا رێكخه‌رێ بلند یا سیاسه‌تا ده‌رڤه یا ئێكه‌تیا ئه‌وروپا هاته كرن بو ڤه‌كرنا نوونه‌راتیا ئێكه‌تیا ئوروپا ل هه‌ولێرێ و داخوازا هاریكاریكرنا باشتر یا قوربانیێن شه‌رێ داعش بهێته كرن.
ناڤهاتى دیاركر ژى:پشتگیرى هاته كرن كو ئێكه‌تیا ئه‌وروپا كوژمێ ئێك ملیار یورویان وه‌ك هاریكارى بده‌ته خه‌لكێ ڤێ ده‌ڤه‌رێ.
