په‌رله‌مانێ ئوروپا پشته‌ڤانيا جوتيارێن كوردستانێ دكه‌ت
ئه‌ڤرۆ نيوز:
حسێن عوسمان عارف نوونه‌رێ كۆمپانيا ئه‌گرۆ پلانت بۆ ئه‌ڤرۆ نيوز دياركر كو دچارچوڤێ شاندێ جوتيارێن كوردستانێ دا بۆ وه‌لاتێ هوله‌ندا، وان سه‌را د.دلاوه‌ر سلێمان ئاژگه‌ى نوونه‌رێ حوكمه‌تا هه‌رێما كوردستانێ ل په‌رله‌مانێ ئوروپا دا و گۆت : مه‌ره‌م ژ سه‌ره‌دانا مه ئه‌وبوويه كو بۆ ديار بكه‌ين كو سه‌ره‌راى هاتنا رێژه‌يه‌كا زور يا ئاواران و شه‌رێ داعش، به‌لێ ژيان يا به‌رده‌وامه و جوتيارێن كوردستانێ ل سه‌ر به‌رهه‌مێ چاندنێ به‌رده‌وامن.
حسێن عوسمان عارف نوونه‌رێ كۆمپانيا ئه‌گرۆ پلانت ئاماژه ب وێ يه‌كێ ژى دا كو وان دڤێت باشترين جورێ پتاتا ل هه‌رێما كوردستانێ جوتيار به‌رهه‌م بينن و گوت: نوكه وه‌رزێ هه‌لكێشانا پتاتايه ل هوله‌ندا مه 11 جويتارێن كوردستانێ برينه هوله‌ندا بۆ وێ يه‌كێ ئه‌زموونا جوتيارێن هوله‌ندا وه‌ربگرن و بشێن ل كوردستانێ مفاى ژێ وه‌رگرن.
نوونه‌رێ كۆمپانيا ئه‌گرۆ پلانت دياركر كو د.دلاوه‌ر سلێمان ئاژگه‌ى نوونه‌رێ حوكمه‌تا هه‌رێما كوردستانێ ل په‌رله‌مانێ ئوروپا د ديدارێ دا پشته‌ڤانيا خوه بۆ جوتيارێن هه‌رێمێ دياركر و گوت: ده‌ستخوشى ل بزاڤێن كومپانيا ئه‌گرۆ پلانت كرن و دياركر كو ئه‌و دێ هه‌ماهه‌نگيێ ل گه‌ل وه‌لاتێن ئوروپى كه‌ت، بۆ وێ يه‌كێ به‌رهه‌مێ پتاتێن كوردستانێ بگه‌هته وه‌لاتێن ئوروپى، هه‌روه‌سا بگه‌هته وه‌لاتێ رووسيا ژبه‌ر كو نوكه ره‌نگه ئابلوقه‌يه‌كا ل سه‌ر هه‌ى.
