په‌رله‌مانێ ئورۆپا بڕيارا خوه ل سه‌ر كوشتاران ئه‌رمه‌نيا راگه‌هاند
ئه‌ڤرۆ نيوز:
په‌رله‌مانێ ئورۆپا د كۆمبوونا خوه يا دوهى دا ب پتريا ده‌نگان هه‌لويستێ خوه ل سه‌ر كوشتارا ئه‌رمه‌نيا ژ لايێ توركيا ڤه ل سالا 1915 راگه‌هاند و ب كۆمه‌لكوژى ب ناڤكر و داخواز ژ توركيا كر كو رێزێ ل وێ رۆژێ بگريت يا بۆ بيرهاتنا ئه‌وێ روودانێ هاتيه ده‌ستنيشانكرن.
ئه‌ڤ بڕيارا په‌رله‌مانێ ئورۆپا ب تنێ هه‌لويسته و په‌رله‌مان داخوازێ ژى توركيا و ئه‌رمينيا دكه‌ت كو په‌يوه‌نديێن خوه ئاسايى بكه‌ن.
ژ لايێ خوه ڤه ره‌جه‌ب ته‌يب ئه‌ردوگان سه‌رۆك كۆمارێ توركيا ده‌رباره‌يى ڤێ روودانا ب سه‌ر ئه‌رمه‌نيا هاتى گۆت: “مه‌حاله توركيا ڤێ تاوانێ بێخيته ستوويێ خوه”.
ئاماژه ب وێ چه‌ندێ ژى كر كو نوكه 100 هزار ئه‌رمه‌نى ل توركيا دژين و چو جوداهى د ناڤبه‌را وان و هه‌موو وه‌لاتيێن توركيا دا نينه.
