په‌روه‌ردا مووسل ئاریشان بۆ دەرچوویێن دەڤەرێن ماددا ١٤٠ دروست دکەت
ئه‌ڤرۆ نیوز، بارزان مزووری:
ئه‌ڤه زێده‌تری 20 رۆژانە ناڤێن زێده‌تری 200 ده‌رچویێن قه‌زا شێخان و ناحیا ئه‌لقۆش و باشیك و شه‌نگال ب رێكا ئونلاین هاتینه دامه‌زراندن سه‌ر ب په‌روه‌ردا مووسل ڤه هه‌ر ئێك ژ وان دو جاران چاڤ پێكه‌فتن دگه‌ل هاتیه كرن، په‌روه‌ردا مووسل ئاسته‌نگ بۆ وان دروست كرینه ژ به‌ر نه‌بوونا كارتا كه‌سك.
كاروان حه‌جی ئێك ژ ماموستایێن ناڤێ وی ب رێكا ئونلاین هاتیه دامه‌زراندن سه‌ر ب په‌روه‌ردا مووسل ڤه بۆ ئه‌ڤرۆ نیوز گۆت:به‌ری 20 رۆژه په‌روه‌ردا مووسل په‌یوه‌ندی بمن هات كرن كۆ هاتیمه دامه‌زراندن ب ب رێكا ئونلاین سه‌ر ب وه‌زاره‌تا په‌روه‌ردا به‌غداڤه، په‌روه‌ردا مووسل ئاگه‌هداركرم كۆ كارتا كه‌سك و ره‌گه‌زنامێن بارێ شارستانی و برواناما خۆ یا ده‌رچونێ راده‌ستێ وان بكه‌م كارتا كه‌سك یا من سه‌ر ب دهوك ڤه‌بۆ داخاز ژمن هات كرن كۆ كارتا كه‌سك یا مووسل بده‌مه وان یا مووسل ژی مه نینه بتنێ یا دهوكه،پێتڤی یه كێشه‌یا بومه دروست نه‌كه‌ن ژبه‌ركۆ ئه‌و رێژا هاتیه ده‌ست نیشانكرن یا دامه‌زراندنێ رێژا قه‌زا شێخانه.
ناڤهاتی خویاكر پێدڤیه ئه‌ندامێن ئه‌نجوومه‌نێ یێن كورد بزاڤێ بكه‌ن كو ئه‌و كه‌سێن ناڤێن وان بۆ دامه‌زراندنێ هاتین كێشه‌یێ بۆ دروست نه‌كه‌ن ژبه‌ركۆ هه‌موو ب رێكا ئونلاین لدوڤ رێژا شێخان یێن هاتین.
ناڤهاتی گوت جهێن شوله‌ژێ ئاگه‌هداركرینه وان ژی ب رێكا لژنه‌كا تایبه‌ت یا په‌رله‌مانتارێن كورد ل به‌غدا دێ دیفچوونا وی بابه‌تی كه‌ن.
سیدۆ حسێن تاتانی سه‌رۆكێ لیژنا په‌روه‌ردێ ل ئه‌نجوومه‌نێ پارێزگه‌ها مووسل بۆ ئه‌ڤرۆ نیوز گۆت: (مه بزاڤكریه دگه‌ل په‌روه‌ردا مووسل بۆ وان ده‌رچویێن ناڤێن وان هاتینه دامه‌زراندن وه‌كۆ ماموستا سه‌ر ب په‌روه‌ردا مووسل ڤه كۆ كێشه بۆ وان دروست نه‌بیت به‌لێ لدوڤ رێنمایێن په‌روه‌ردێ كۆ هه‌ر كه‌سێ هاتیه دامه‌زراندن پێتڤیه كارتا كه‌سك هه‌بیت سه‌ر ب مووسل ڤه).
ناڤهاتی خویاكر ئه‌و كه‌سێن ناڤێن وان هاتین زێده‌تری 200 كه‌ساکم و كێشه بۆ وان دروست بوویه یێن هاتین دامه‌زراندن به‌لێ ژ به‌ر نه‌بونا كارتا كه‌سك یا مووسل بو وان ئه‌ڤ كێشه دروست بوویه.
