په‌روه‌رده تۆ ڤێڕا نه‌گه‌هشتی!!
په‌یمانگه‌ها هونه‌رێن جوان/ دهۆك دێ ڤیسته‌ڤالا خوه یا 22 ێ گێریت و ته چ بۆ وان نه كر! به‌لێ تو یا زیره‌كی چیڤاریسكێت قردێلا ب مه‌قه‌سێ بقه‌تینی! به‌س تو دگه‌هی مه‌قه‌سا خوه خوه‌شبكه‌ی هه‌تا سال ڤه‌گه‌ڕیت! باشه ما هوون مه‌قه‌سان خوه‌ش دكه‌ن یان په‌روه‌ردێ و زانست و زانینێ پێشدئێخن؟ سالا چووی په‌یمانگه‌هێ سترانێن باخچێن زارۆیان پێشكێشدكرن, ئه‌ڤ ساله ڕێیا به‌غدا یا گرتیی بوو! كه‌رسته نه‌هاتن, باشه ما رێیا ئه‌نقه‌رێ ژی هاتبوو گرتن؟ ما بۆچی په‌روه‌ردێ كه‌لوپه‌لێن سیرامیكێ ژ توركی بۆ په‌یمانگه‌هێ په‌یدانه‌دكرین؟ ب راستی رێیا وه‌لاتێ (چینێ) گه‌له‌ك ب سانه‌هیتره ژ رێیا به‌غدا كو كه‌لوپه‌ل بگه‌هیته دهۆكێ! لێ كاودانان ب سه‌رمه‌دا گرت, ما دا چاوا گه‌هن چنه توركا گێچێ و ئاخا سۆر كرن!؟ هنگۆ دیت چ ئاگر بوو سالا بووری!. (هێجه‌تێن مه ژ كارێن مه پترن!). هه‌كه هه‌ر سال ئه‌م پاشڤه‌تر چووباینه دا باشتر بیت ژبه‌ركو ل ده‌مێ پاش په‌یمانگه‌ه ب هێزتر بوو. سالا چووی پشكا مۆزیكێ ل هۆلا محه‌مه‌د عارفی بوو, ئه‌ڤ ساله دێ ل پۆله‌كا په‌یمانگه‌هێ بیت! ئه‌ز بێژم ل سه‌ر ڤی حالی سالا بهێت دێ (دكوسته‌رێدا) هێته گێران! پاشی دێ ژبه‌ر كاودانا كه‌نه (سی دی) و دبیت ببیته وه‌كی شیڤخارن و بێده‌نگی بگێرن ڤیسته‌ڤالا مۆزیكێ! دی بیرا هنگۆ جاره‌كا دی ل سالێن نوتان ئینم، ده‌مێ نه مووچه و نه‌راتب و ب گۆره و پێلاڤێن دڕیایڤه ئه‌م ژبه‌ر ترومبێلێن بۆمبرێژكری دڕه‌ڤین و هه‌ر هه‌ینی ئه‌م به‌نیشتێ ده‌ڤێ مه‌لایه‌كی بووین ل دهۆكێ, رێیا به‌غدا ژی هه‌را گرتی بوو, لێ په‌یمانگه‌هێ به‌رهه‌مێ هونه‌ری دا باژێری! ئه‌ڤه نه ژبه‌ر كاودانایه كو پشكا مۆزیكێ وه‌كی پشكێن دیتر نینه! ئه‌ڤه (گرارا روون ژكێم دانییه), فه‌رمۆن بێژن مه كادرێ هونه‌ری نینه ئه‌م پێویستین.. داخواز ژ په‌روه‌ردێ بكه‌ن كو كادرێ هونه‌رێ مۆزیكێ ل پشكێن په‌یمانگه‌هێ په‌یدا بكه‌ت! ئه‌ڤه ئه‌ركێ په‌روه‌ردێ یه مامۆستایان په‌یدا بكه‌ت بۆ قوتابیان! بۆچی چ نه‌كر؟ بۆ چ مامۆستا ژ ده‌رڤه‌ی وه‌لاتی نه‌هینان, یان دویان بهنێریت بخوینن و پێشكه‌ڤن و دبێ منه‌ت بن ل ڤیسته‌ڤالێن خوه! هه‌ما كورسه‌كێ سێ هه‌یڤی بۆ كادرێ خوه به‌رهه‌ڤكربا؟! یان.. . بێژن ب مه‌ڤه ناهێت. هه‌ر تشته‌كێ بچووك ب تشته‌كێ مه‌زنڤه یێ گرێدایه ژ ستێرا بگره هه‌تا بگه‌هیته هه‌ر چبیت. هه‌ر ڕۆژ و هه‌ر هه‌یڤ و هه‌ر سال ئه‌م خوه ب هێجه‌ته‌كێ ڤه گرێدده‌ین دا كاره‌كی نه‌كه‌ین, شیانێن مه یێن هونه‌رێ مۆزیكێ یێ دبنه چنه هه‌ر سال! ئه‌ڤه ڕاستیه, ژ به‌ر كو زانكۆیا دهۆكێ ئه‌كادیمیا مۆزیكێ نینه ئاستێ هونه‌رێ مۆزیكێ باش بكه‌ت. ئه‌ڤێ چه‌ندێ ئه‌گه‌رێن خوه هه‌نه یا فه‌ر بوو په‌روه‌رده ڤێرا گه‌هشتبا پار و پێرار ل گه‌ل زانكۆیێ چاره‌ك دیتبا. دا ئه‌ڤ ساله پشكا مۆزیكێ د هۆلا په‌یمانگه‌هێ ڤه ڤیسته‌ڤالا خوه یا 22 نه گێرابا ئه‌ڤا جهێ سێ هزار مرۆڤان دكه‌ت! پا ڤێجا ئه‌و هزار مرۆڤێن دی دێ ل كیڤه روونن و گوهێ خوه ده‌نه سینفۆنیا نه‌هێ یا بتهۆڤنی؟ ئه‌ز دبێژم د هۆل و پۆلێن په‌یمانگه‌هێ ڤه جهێ ملله‌تی ناكه‌ت بهێن ته‌ماشه‌ی كۆنسێرتێن مۆزیكێ بكه‌ن. ئه‌ڤه نه‌گونه‌ها په‌یمانگه‌هێ یه.
