په‌روه‌ردێن به‌رده‌ره‌ش و دهۆكێ بوونه قاره‌مانێن پارێزگه‌هێ
ئه‌ڤرۆ،
هه‌لبژارتیێ په‌روه‌ردا به‌رده‌ره‌ش ب ناسناڤێ قاره‌مانیا پارێزگه‌ها دهۆكێ بۆ یاریا ڤۆلی بۆلێ ل سه‌ر ئاستێ كوڕان هاته خه‌لاتكرن، پشتی شیایی د یاریا دووماهیێ دا ب سه‌ركه‌ڤیت ل سه‌ر هه‌لبژارتیێ په‌روه‌ردا ئاكرێ ب دو گێمان بێ به‌رامبه‌ر 25-18 و 25-20 خالان، د هه‌ڤڕكیێن واندا ئه‌وا دوهی ل هۆلا گرتیا چالاكیێن وه‌رزشی یا په‌روه‌ردا رۆژئاڤا ژ چارچووڤێ قاره‌مانیا پارێزگه‌ها دهۆكێ بۆ په‌روه‌رده‌یێن سنۆرێ پارێزگه‌هێ هاتیه كرن.
ژلایه‌كێ دووڤه ژ چارچووڤێ قاره‌مانیا ته‌پا مێزێ هه‌ردو هه‌لبژارتیێن په‌روه‌ردا دهۆك رۆژئاڤا ناسناڤێ قاره‌مانیێ ب ده‌ستڤه ئینا، ل سه‌ر ئاستێ كوڕان و كچان شیان سه‌ركه‌ڤتنێ ل سه‌ر هه‌ردو هه‌لبژارتیێن په‌روه‌ردا رۆژهه‌لات بینن.
د داخویانیه‌كێ دا ئێحسان حه‌سه‌ن رێڤه‌به‌رێ رێڤه‌به‌ریا چالاكیێن وه‌رزشی و دیده‌ڤانی بۆ ئه‌ڤرۆ گۆت: ل دووڤ به‌رنامێ سالانه یێ چالاكیێن وه‌رزشی و دیده‌ڤانی هه‌ردو قاره‌مانی ل سه‌ر ئاستێ نه‌ه په‌روه‌رده‌یێن ل سنۆرێ پارێزگه‌ها دهۆكێ هاتبوونه رێكخستن كو بشێوه‌كێ سه‌ركه‌فتیانه هاتبوونه ئه‌نجامدان، پێنه‌ڤێت باشترین یاریزانێن قاره‌مانیێ بۆ هه‌ر یاریه‌كێ دێ هێنه ژێگرتن ب ناڤێ هه‌لبژارتیێ په‌روه‌ردا پارێزگه‌ها دهۆكێ ئه‌وێن دێ پشكداری قاره‌مانیا هه‌رێما كوردستانێ كه‌ن.
