په‌سنا یارێ
ئه‌لند مزووری
ئه‌و رووكێن گه‌ش
وه‌كی هه‌یڤا
په‌سنا وان ناهێ
ب چ په‌یڤا
هندی ….
كوبار و نازداره
ل هه‌سپێ…..
عه‌شقا دل سواره
نزانم …
ب چ خه‌لات بكه‌م
ب چ په‌یڤه‌كێ…
په‌سنا جوانیا وێ بكه‌م،
نه گولیلكێن…
چو بوهارا ل به‌ژنا وێ دهێن
هه‌یڤ و هه‌تاف
شه‌رم دكه‌ن…..
ژ به‌ر رۆناهیا…..
دێمێ وێ یێ گه‌ش….
ب هه‌لێن
هینكه بایێ….
سحار و سبه و ئێڤارا
ب دزی ڤه تێن
خوه دشه‌نگه…..
چنارۆكا به‌ژنا وێ
وه‌ر بكه‌ن،
هوور چپكێن….
خوناڤا زه‌لال
ب شه‌رمینی.. ب نازه‌نینی
رووكێن وێ یێن هنارۆكی
هه‌مبێز دكه‌ن،
ڤێ پانوراما ئه‌ڤینێ
كرمه سه‌ودا و په‌ریشان
ب تنێ یا دبینم هێژای وێ
ئه‌ڤ دله‌یه
ژێرا بكه‌مه دیاری و….
ژ به‌ژنا وێ ڕه بكه‌مه قوربان
