په‌سه‌ندكرنا بودجێ عێراقێ دێ گیرو بیت
ئه‌ڤرۆ نیۆز، قائید میرۆ:
هه‌رچه‌نده هه‌موو ساله‌كێ به‌ری هاتنا سالا نوو پڕۆژه قانوونا بودجێ گشتیێ دهێته په‌سه‌ندكرن، به‌لێ وه‌ك سه‌رۆكێ لیژنا قانوونی لپه‌رله‌مانێ عێراقێ ئاشكرا دكه‌ت دێ بودجه گیرو بیت ژبه‌ركو حوكمه‌تا نوویا عێراقێ ده‌ستهه‌لات هه‌نه بودجه‌ی پێشكه‌شی په‌رله‌مانی بكه‌ت.
رێبوار هادی، سه‌رۆكێ لیژنا قانوونی لپه‌رله‌مانێ عێراقێ بۆ ئه‌ڤرۆ نیۆز دیاركر” پرسا پڕۆژه قانوونا بودجێ گشتیێ عێراقێ گرێدایی پێك ئینانا كابینا نوویا حوكمه‌تا عێراقێ یه و مخابن گوره‌ی قانوونێ حوكمه‌تا نوكه‌یا عێراق چو ده‌ستهه‌لات نینه بۆ هنارتنا پڕۆژه قانوونا بودجه‌ی بۆ په‌رله‌مانی.سه‌رۆكێ لیژنا قانوونی لپه‌رله‌مانێ عێراقێ گۆتژی” هه‌تا حوكمه‌تا نوو ده‌ست بكار نه‌بیت پڕۆژه قانوونا بودجه‌ی ناهێته هنارتن بۆ په‌رله‌مانی، به‌لێ گوره‌ی قانوونێ دێ ئێك لسه‌ر دوازده‌یا بودجه‌ی هێته مه‌زاختن وه‌ك سالا بۆری هه‌تا وی ده‌مێ پڕۆژه قانوونا بودجه‌ی ژلایێ په‌رله‌مانی ڤه دهێته په‌سه‌ندكرن.
رێبوار هادی دبێژیت” ئه‌ز باوه‌رم ئاریشه په‌یدانابن ل هنارتنا پارێ فه‌رمانبه‌رێن هه‌رێما كوردستانێ و هه‌تا بودجه چه‌ند گیرو ببیت، ژبه‌ركو هه‌ر هه‌یڤ مینا هه‌یڤێن سالا بۆری دێ پاره گه‌هیته هه‌رێما كوردستانێ.
