پهندێن ههیڤا رهمهزانێ (رهمهزان دهلیڤا ئهنجامدانا هندهك)
هندهك ئهمانهت خودایێ مهزن ئهمرێ مه كریه ئهم پێ رابین، لهورا ههیڤا رهمهزانێ خۆش دهلیڤهیه بۆ ئهنجامدانا ڤی كاری و ژ وانا:
1. پهروهردهكرنا زارۆیان: رهنگه ئهم د ههیڤا رهمهزانێ دا ب ئارمانجا پهرستنێ قهستا مزگهفتان بكهین، لێ بێگومان پتریا مه زارۆ ههنه چ یێن بچووك بن و چ یێن مهزن بن و دهمێ ئهم ل مزگهفتێ ئهو زارۆ ب دلێ خوه دكهڤن و دگههنه ههڤالان ل سهر جادان و رهنگه ههڤرویشی خهلكهكی ببن، یان تێكهلیا كهسێن ژ خوه مهزنتر دكهن و ئهڤه ههمی سهر دكێشیته خراببوونا زارۆیان، ئهرێ ما ئهڤه نهئهمانته د ستۆیێ مه دا، ل ڤێرێ پێغهمبهر سلاڤ ل سهر بن دبێژیت: {كلكم راع، وكلكم مسئول عن رعیته} لهورا پێدڤیه د ڤێ ههیڤێ دا مرۆڤ پتر گرنگیێ بدهته زارۆیێن خوه، چونكی ئهمانهتن و ژ وان كارێن ل سهر مرۆڤی گرنگ بكهت:
* مرۆڤ زارۆیێن خوه فێری عیبادهتێ راستهقینه بكهت: ئانكو پێدڤیه مرۆڤ راهێنان پێ بكهت، بۆ نموونه كور و كچێن دگههنه تهمهنێ بالغبوونی فێری رۆژیگرتنێ بكهت، چونكی د فهرمودا سهحیح دا هاتیه روبهیع كچا مهعوز ڤهدگێریت كو پێغهمبهر سلاف ل سهر بن ئهمرێ وان دكر رۆژا عاشوورایێ رۆژیێ بگرن، و مه رۆژی دگرتن و مه زارۆیێن خوه پێڤه دكرن، دهمێ زارۆیێن مه برسی دبوون مه هندهك یاریێن سۆفی ددانهڤێ داكو خوه پێڤه مژوول بكهن و خوه ژبیر ڤهكهن ههتا دبوو وهختێ فتارێ، ئهڤه رۆژا عاشوورایێ بوو، پا تو بۆ رۆژیێن رهمهزانێ چ دبێژی؟ لهورا پێدڤیه مرۆڤ زارۆیێن خوه فێری عیبادهتان بكهت و مرۆڤ گهل خوه ببهته مزگهفتێ و ئادابێن چوونا ژوورا مزگهفتێ و دهركهفتنێ نیشا بدهت، لێ مرۆڤ زارۆیێن خوه پشتگوه بێخیت و نزانیت كا چ دكهن ئهڤه مهترسیه!
* ئهمانهتێ كاری: گهلهك خهلك ب هێجهتا رۆژیێ ب رۆژێ چ كاری ناكهن، بۆ نموونه فهرمانبهر رۆژیان دگرن، لێ ل دهواما خوه یا فهرمی دنڤن و دهمێ وهلاتی دچن مامهلێن خوه برێڤه دبهن ژ بهر نڤستنا فهرمانبهرا وهسا دهست ڤالا دڤهگهرن، ئهڤه نهپاراستنا ئهمانهتی یه و ل ههڤدژی رۆژییا راستهقینهیه، یان دێ ب تۆرهیی ڤه ل گهل وهلاتیان ئاخڤیت، ئهڤه ههمی چونكی یێ ب رۆژی یه و نزانیت كو ئهڤه نه رهوشتێ رۆژیی و رۆژیگرانه. ل ڤێرێ دبێژین ئهرێ كانێ گۆتنا پێغهمبهری سلاڤ ل سهر بن دهمێ دبێژیت: {إژا كان یوم صوم أحدكم فلا یرفپ، ولا یصخب، فإن سابه أحد أو شاتمه فلیقل: إنی صائم} ئانكو دهمێ هوون ب رۆژی خوه تۆره نهكهن و ههكه ئێكی هوون عاجز كرن، یان خهبهر گۆتنه ههوه، هوون وهكی وان بهرسڤێ نهدهن، بهلكو بێژنێ ئهم ب رۆژینه و گرێدایی عیبادهتێ خودێ دكهن.
* ئهمانهتێ ههری گرنگ ئهمانهتێ عمری یه: ئهڤ خاله یا گرێدایی عمری یه كو خودایێ مهزن دایه مه داكو ئهم د رازیبوونا وی و عیبادهتێ وی دا دهرباز بكهین، زێدهباری ڤێ ئێكێ ژی دا سهخكهینێ كانێ چهوا ئهم رهفتارێ دگهل ڤی ئهمانهتی دكهین ب تایبهتی د ههیڤا رهمهزانێ دا، چونكی ئهم یێن فێر بووین شهڤێن رهمهزانێ ب هشیاربوونێ دبۆرینین و ڤێجا چهوا و ب چ ڤه ئهم دهرباز دكهین؟.
پێدڤی ناكهت كو بهرسڤێ بدهم، چونكی ههر ئێك ژ مه دشێت گهریانهكێ ل جادان بكهت، دا كو كۆمێن گهنج و جحێلان ببینیت كانێ چهوا ل سهر تشتێن خراب و مهكروه و هندهك كارێن حهرام ژی كۆم دبن، مینا تهماشهكرنا كهنالێن تلهڤزیۆنی و ستران و موزیكێ و هندهك زنجیرێن خراب و هندهك یاریێن نهباش و ب درێژیا شهڤێ د وی حالهتی دا دمینن! و رهنگه خۆشترین دهمێن ههیڤا رهمهزانێ ل دهف وان ئهو شهڤن یێن كو ب وان كریاران دبۆرینن! و تشتهك ژ رهمهزانێ ل بیرا وان نینه ب تنێ ئهو شهڤ نهبن! تشتێ سهیر ژی ئهوه ئهو گهنج و جحێلێن شهڤێ دحهیرینن دێ بینی ب رۆژێ كهفتنه خهوێ و هاش بایێ دونیایێ نابیت و هندهك ژ وان ئهڤێن نڤێژا ژی دكهن های ژ نڤێژا ژی نامینیت، ئانكو ههتا نڤێژێن وان ژی ژێ دچن! باشه ل ڤێرێ كانێ ئهو ئهمانهتێ خودایێ مهزن تهسلیمی مه كری كو عهمره؟!!.
