په‌یاما خوه ب چێكرنا كه‌ڤالان دگه‌هینت
دهۆك، هه‌رهین محه‌مه‌د:
شێوه‌كار (جۆتیار نزار) د دیداره‌كێ دا بۆ رۆژناما ئه‌ڤرۆ گۆت: هونه‌رێ شێوه‌كار گه‌له‌ك تشت نیشا من داینه كو به‌ری نوكه من نه‌دیت بوون و دژیانا من دا نه‌بوون، له‌ورا هه‌موو ژیانا خوه من دایه شیوه‌كاری و بۆ ته‌رخانكریه ژپێخه‌مه‌ت ژیانه‌كا پری ره‌نگ دا و پر هه‌ست ب وی تشتێ بچووك دكه‌ت یی َكو ئه‌و رۆژانه ب كار دئینت پتر به‌ر ب ژیانه‌كا دی بر و پتریا كه‌ڤالێن وی ده‌ربڕینێ ژپشكه‌كا ژیانا وی دكه‌ن و پشكا دی ده‌ربڕینێ ژجڤاكێ كوردی یێ ئه‌و تێدا دكه‌ت و تشی َرۆژانه ئه‌و دبین و ل گه‌ل زارۆكینیا وی مه‌زن بووی.
زێده‌تر گۆت: نه‌شێم ده‌می دیاركه‌م كا هه‌ر كه‌ڤاله‌كی چه‌ند ده‌می پێڤه دبۆرینم، چونكو هه‌ركه‌ڤاله‌كی ده‌مه‌ك هه‌یه ژبۆ كاركرنێ و ل دووف وان كه‌ره‌ستان ژی دمینت یێ كو مرۆڤ پێ كاردكه‌ت و كه‌ڤالێن خوه ژی دفرۆشم و گه‌له‌ك كه‌ڤال هه‌نه من حه‌زدكر ئه‌و یێ من با و نه‌شێم بێژم كیژ كه‌ڤاله و ب چێكرنا كه‌ڤالان من شیایه ناما خوه ب گه‌هینم، به‌لێ پێنگاڤ دووف پێنگاڤێ تشته‌كێ نووتر دهێت و گه‌له‌ك كه‌س هه‌نه ده‌رچۆیێن په‌یمانگه‌ها هونه‌رێن جوان و كولیژی َنه به‌لێ هه‌تا نوكه چو كار ئه‌نجام نه‌داینه، به‌لێ دبینم ئه‌ڤه نه شاشیا وانه، به‌لكۆ یا وان ماموستایایه یێن ئه‌ڤ كه‌سه وه‌رگرتین ب هه‌رشێوه‌كی َهاتبنه وه‌رگرتن چ مه‌ره‌مه‌كا تایبه‌ت بیت، یان ب مه‌ره‌ما مرۆڤاینیێ هاتیه وه‌رگرتن و ئه‌ڤ تشته مه گه‌له‌ك ل دهۆكێ هه‌یه.
