په‌یاما كوڕێ شه‌هیده‌كی
ره‌مه‌زان ئیسماعیل
به‌لێ بابۆ…
ژ رۆژا تو چووی
ئه‌و تڤه‌نگا ته یا جارا
من یا دوهندای
ئه‌و پتر یا پاقژكری
من ڕه‌ختێ ته یێ ڕاپێچای
ژ فیشه‌ك و نارنجۆكا
تژی كرێ
ئه‌و ئالایێ ب ملێ ته‌ڤه
یێ پاراستی و به‌رهه‌ڤكری
ژ ڕۆژا تو چووی
من هه‌سپێ ته
وه‌كی به‌رێ
یێ مه‌حه‌س و جه‌لوه‌شین و
ڕكێب كری
دا ڕۆژه‌كێ ئه‌ز ژی ببم
سویاره‌كێ ب ناڤ و ده‌نگ
وه‌كی هه‌وه
ل مه‌یدانێ شۆڕه‌ش كری
دا تو بزانی
كاروانێ ته به‌رده‌وامه و
گیانێ ته
پێ ئاگه‌هه و تو نامری.
