په‌یكه‌رسازی یا ب زه‌حمه‌ته و ب هه‌موو كه‌سان ڤه ناهێت
دهۆك، هه‌رهین:
په‌یكه‌رساز عومه‌رجه‌میل، د دیداره‌كێ دا بۆ رۆژناما ئه‌ڤرۆ گۆت: ژلایێ مادی و مه‌عنه‌وی ڤه من گه‌له‌ك مفا ژ هونه‌رێ په‌یكه‌رسازیێ َدیتیه و هه‌تا راده‌كی ژ ئاستێ خوه یێ رازی مه و هه‌موو بزاڤان دكه‌م كارێ خوه ژلایێ ئاستی و كوالتیێ ڤه به‌ر ب پێشڤه ببه‌م و په‌یكه‌رسازێ راست ئه‌وه كوالتیا كارێ وی به‌ری پاره‌ی بیت یێ ئه‌و ب ده‌ست خوه‌ڤه دئینت درێیا وی كاری دا، راسته لایه‌نێ مادی فاكته‌ره‌كێ سه‌ره‌كی یه بۆ هه‌ر كاره‌كێ هونه‌ری، به‌لێ دبینم كوالتیا كاری یا سه‌ره‌كی یه.
دیسان گۆت: من گه‌له‌ك په‌یكه‌رچێكرینه و نوكه ژی من په‌یكه‌رێ ژینگه‌ه پارێزه‌كی (كه‌ناسه‌كی) چێكریه و ل سلێمانیێ هاتیه دانان و گه‌له‌ك یێ ئارام بووم ب چێكرنا ڤی په‌یكه‌ری و ل جهه‌كی هاتیه دانان و ناڤو ده‌نگیا كه‌سان بۆ من نابیته پیڤه‌ر و یی َخۆشحالم ب وی كارێ ئه‌ز دكه‌م و خه‌لك ستایشا وی كاری دكه‌ن و نه یێ گرێدایمه ب چو كه‌سان ڤه و هه‌ر هزره‌كا بۆ من چێت دبیت دكه‌مه په‌یكه‌ر وب وی كاری یێ كه‌یف خۆشم و هونه‌رێ په‌یكه‌رسازی هونه‌ره‌كێ ب زه‌حمه‌ته و نه‌یێ ب ساناهیه و هه‌موو كه‌س نه‌شێن وی كاری بكه‌ن بتنێ ئه‌و كه‌سه دشێن وی كاری بكه‌ن یێن كو دبنیات دا ئه‌و كاره‌ل ده‌ف هه‌ی و ل گه‌ل مه‌زن بووی و ژبه‌ر وێ زه‌حمه‌تێ كارێ چێكرنا په‌یكه‌ری دچه‌ند قوناغا دا ده‌رباز دبیت هه‌تا كو ب دووماهی دهێت.
