په‌یكه‌ره‌ك بۆ (پیرخدر سلێمان) دێ هێته چێكرن
دهۆك، له‌زگین جۆقی:
به‌رپرسێ پشكا راگه‌هاندنێ ل ده‌سته‌یا بلندا بنگه‌هێ لالش یێ ره‌وشه‌نبیری و كۆمه‌لایه‌تی ل دهۆكێ دیاركر كو بڕیار هاتیه دان په‌یكه‌ره‌ك بۆ نڤیسه‌رو ره‌وشه‌نبیرێ دێرین (پیر خدر سلێمان) بهێته چێكرن و دێ ل به‌رده‌رگه‌هێ بنگه‌هی هێته دانان.
كاروان باعه‌دری، بۆ رۆژناما ئه‌ڤرۆ گۆت: ژبه‌ر كار و خزمه‌تا پیر خدر دژیێ خۆ دا پێشكیشی بنگه‌هێ لالش و ئێزدیخانێ كری، مه ب فه‌ر دیت وه‌كو ده‌سته‌یا نوو یا بنگه‌هێ لالش په‌یكه‌ره‌كی بۆ چێكه‌ین، هه‌لبه‌ت ئه‌ڤه وه‌فادریه‌كا بچووكه به‌رامبه‌ر وێ خزمه‌تا مه‌زنا وی نه‌مری پێشكێشی ره‌وشه‌نبیری یا كوردی و هونه‌ری و ناساندنا چاند و كلتۆری ره‌سه‌ن یێن ئێزدیان كری، هه‌روه‌سا بڕیار هاتیه دان ژی كو پرتووكخانا بنگه‌هی ب ناڤێ وی بهێته ناڤكرن.
