په‌یوه‌ندیێن سعوودیێ و لوبنانێ تێك چووینه
ئه‌ڤرۆ:
سعوودیێ بالیۆزیێ خوه ژ لوبنانێ ڤه‌كێشا و داخواز ژ بالیۆزێ لوبنانێ ژی كر كو د زووترین ده‌م دا ژ وه‌لاتێ وان ده‌ردكه‌ڤیت، سه‌عد حه‌ریری سه‌رۆك وه‌زیرێن به‌رێ یێ لوبنانێ ژی راگه‌هاند كو حزبوللا لوبنانێ بوویه ئاریشه‌كا گه‌له‌ك مه‌زن، ژ به‌ر هه‌لوه‌ستێ خراب یێ حزبوللاهێ ل دۆر پشته‌ڤانیا وێ بۆ حوسیێن یه‌مه‌نێ په‌یوه‌ندیێن لوبنانێ ل گه‌ل سعوودیێ تێك چووینه و دڤێت حزبوللا نه‌بیته ئه‌گه‌رێ روودانا قه‌یرانه‌كا دی ل لوبنانێ.
چاڤدێرێن سیاسی ژی دیار دكه‌ن كو حزبووللا لوبنانێ بوویه ئه‌گه‌رێ هندێ كو سعوودیێ هه‌لوه‌سته‌كێ وه‌سا توند ل دژی لوبنانێ نیشا بده‌ت و ره‌وشا نها د به‌رژه‌وه‌ندیا لوبنانێ دا نینه، چونكو لوبنان تووشی قه‌یرانه‌كا مه‌زن بوویه.
