په‌یڤدارێ حوكمه‌تێ: ل ده‌ستپێكا نیسانێ مووچێ ئادارێ دێ هێته به‌لاڤكرن
ئه‌ڤرۆ:
ژێده‌ره‌كی ژ وه‌زاره‌تا دارایی و ئابووری یا حكومه‌تا هه‌رێما كوردستانێ دیار كر، دوهی رۆژا ئێكشه‌مبی 27/3/2022، حوكمه‌تا فیدرالی یا ئیراقێ و 200 ملیار دینارێن پشكا هه‌رێما كوردستانێ ئێخستنه سه‌ر هه‌ژمارا وه‌زاره‌تا دارایی یا هه‌رێمێ و گه‌هشتن، ل گه‌ل گه‌هشتنا گوژمێ پاره‌یێ به‌غدا خشته‌یێ مووچه‌ی بۆ هه‌یڤا ئادارێ دێ هێته راگه‌هاندن و ل ده‌سپێكێ ژی وه‌زاره‌تێن ساخله‌میێ و پێشمه‌رگه‌ی دێ مووچه‌ی وه‌رگرن.
جۆتیار عادل، په‌یڤدارێ حكومه‌تا هه‌رێما كوردستانێ د ڤی بیاڤی دا راگه‌هاند: ل ده‌ستپێكا هه‌یڤا نیسانێ دێ ده‌ست ب به‌لاڤكرنا مووچێ هه‌یڤا سێ كه‌ین و گۆت: “هه‌موو بزاڤێن حكومه‌تا هه‌رێما كوردستانێ ژ پێخه‌مه‌ت دابینكرنا مووچێ فه‌رمانبه‌رانه د ده‌مێ خوه دا”.
ده‌رباره‌ی ئه‌نجامدانا هه‌لبژراتنان ژی ناڤبری دا زانین، كو حكومه‌تا هه‌رێما كوردستانێ بڕیار ل سه‌ر رێكارێن ئه‌منی، ته‌كنیكی و داراییی دایه، نوكه ئه‌و ل به‌ندا كومسیۆنا هه‌لبژارتنانه، كو به‌رسڤا وان بده‌ت، دا بودجه بۆ بهێته خه‌ملاندن و پشتی هینگی دێ هێته په‌سه‌ندكرن.
