پهیڤدارێ وهزارهتا كارهبێ: بهایێ كارهبێ ل ههرێمێ ژ ههموو جیهانێ ئهرزانتره
ئهڤرۆ:
پهیڤدارێ وهزارهتا كارهبا حوكمهتا ههرێما كوردستانێ دیار كر، بهری نوكه چهندین جاران ئاسانكاری وهكو داشكاندنا (15%) ژ بهایێ كارهبێ بۆ پشكدارێن كارهبێ هاتیه كرن، لێ نوكه بڕیاره ب شێوێ قست ئاسانكاری بۆ بهێته كرن و دبێژیت: پتر ژ ترلیۆنهك و 261 ملیار دیناران، پشكدارێن كارهبێ قهردارێن وهزارهتا كارهبێ نه.
ئهمێد ئهحمهد، پهیڤدارێ وهزارهتا كارهبێ خویا كر، نوكه ب تنێ 10% ژ داهاتێ وهزارهتا كارهبێ بۆ پڕۆژهیێن وهزارهتێ دهێته مهزاختن، یێ دی ههموو بۆ وهزارهتا دارایی دهێته ڤهگهڕاندن، لهو وهزارهتا كارهبێ یا ناچاره قهرێن خوه كۆ بكهت، داكو بشێت بهردهوامیێ ب كار و پڕۆژهیێن خوه بدهت و گۆت: “نوكه ئهرزانترین بهایێ كارهبێ ل ههموو جیهانێ، ل ههرێما كوردستانێ یه، كو د قووناغا ئێكێ یا ههر كیلۆ وات دهمژمێرهك بۆ مالان ب دو سهنتایه”.
گۆتژی: “د سیستهمێ پریپهید دا، دهستكاریا بهایێ كارهبێ نههاتیه كرن، ب تنێ شێوهیێ دانا پارهی هاتیه گوهۆڕین، لهو وهلاتی دێ ئابووریێ د بكارئینانا كارهبێ دا كهن و ژ پێدڤیا خوه زێدهتر نامهزێخن و كارهب ژی 24 دهمژمێریه”.
ناڤهاتی ئاشكرا ژی كر، د زڤستانا بۆری دا خواست ل سهر بكارئینانا كارهبێ بۆ حهفت هزار مێگاواتان بلند ببوو، ههكه خواست ل سهر كارهبێ بۆ دو بهرامبهر، قهرهبووكرنا وێ یا ب سهناهی نابیت و گۆت: “نوكه رهوشا كارهبا نیشتمانی یا باشه و ل هندهك دهڤهران 20 دهمژمێران كارهبا نیشتمانی یا ههی”.
