پوتین: رۆژێن خراب چاڤەرێی روسیا نە
ئەڤرۆ نیوز:
ڤیلادەمیر پوتین سەرۆکێ روسیا راگەهاند کو نێزیکی سێ هزار کەس ل روسیا تووشی ڤایرۆسێ کۆرۆنا بووینە و رۆژانە ژی هژمارا کەسێن کو تووشی کۆرۆنایێ دبن زێدەتر لێ دهێت، ئەو یەک دێ کارتێکرنەکا خراب ل بارێ ئابووری و هەموو بیاڤێن دی یێن ژیانێ کەت و دڤێت وەلاتی ب باشی پێگیریێ ب رێنمایان بکەن.
سەرۆکێ روسیا د کۆمبوونا ل گەل کابینا حوکمەتا دا ئەو یەک ژی دیار کر کو دڤێت ب توندی ئەو کەسە بهێنە سزادان کو پێگیریێ ب رێنمایان ناکەن و دبنە ئەگەرێ هندێ کو ڤایرۆسێ کۆرۆنا ل روسیا بەلاڤ ببیت.
