پوتین : رێك ل به‌ر گرتنا په‌ترولا كوردستانێ دمفایێ كه‌سێ دا نینه
ئه‌ڤرۆ نیوز ، هلورى:
ئه‌ڤرۆ ل رۆسیا كونفرانسه‌كێ تایبه‌ت لسه‌ر وزه‌یێ ئه‌نجام دا و تێدا فلادیمێر پوتین سه‌رۆكێ روسیا گوتاره‌ك پێشكێشكر و دیاركر كو ئه‌و وه‌كو روسیا دێ بێلایه‌ن بن لسه‌ر ریفراندۆما هه‌رێما كوردستانێ و دێ بزاڤى كه‌ن هه‌لسه‌نگاندنا بارودوخى بكه‌ن.
ل گوره‌ى نوچه‌یه‌كێ ئاژانسا رویته‌رز پوتینى د گوتارا خوه دا ل كونگره‌یێ وزه‌یێ ل روسیا كو تایبه‌ته ب وه‌لاتێن تایبه‌ت ب هنارتنا په‌ترۆلێ دیاركریه كو رێگرتن ل هنارتنا په‌ترۆلا هه‌رێما كوردستانێ د مفایێ چوو كه‌سان دا نینه و گۆت: (ئه‌م روسیا دێ بێلایه‌ن بین لسه‌ر ریفراندۆما هه‌رێما كوردستانێ و دێ بزاڤێ كه‌ین كو هه‌لسه‌نگاندنا بارودوخى بكه‌ین ، و هه‌ر سزایه‌كێ ئابوورى لسه‌ر كوردستانێ دێ بیته ئه‌گه‌را بلندبوونا بهایێ په‌ترولێ ، و كه‌س ژى نه‌شێت ڤێ یه‌كێ بكه‌ت
)
ل هه‌یاما بورى ژى حكومه‌تا هه‌رێما كوردستانێ رێكه‌فتنه‌كا تایبه‌ت دوارێ په‌ترلێ ل گه‌ل كومپانیا روسنه‌فتا روسى ئه‌نجام دا.
