پوتین ل دۆر ره‌وشا ئه‌فغانستانێ هۆشداریێ دده‌ت
ئه‌ڤرۆ:
ڤیلاده‌میر پوتین سه‌رۆكێ رۆسیا راگه‌هاند كو په‌قینا چه‌ند رۆژێن بۆری نیشا دده‌ت كو ئه‌فغانستان هێدی هێدی دبیته ناڤه‌ندا گرۆپێن تیرۆرستی و به‌ری نها ژی مه ل دۆر هندێ هۆشداری دابوو.
سه‌رۆكێ رۆسیا راگه‌هاند كو قاعیده و داعش دشێن ل ئه‌فغانستانێ خوه بجه بكه‌ن و وی وه‌لاتی بكه‌نه ناڤه‌ندا گرۆپێن تیرۆرستی، بێگومان وی ده‌می دێ تیرۆر ل هه‌موو جیهانێ به‌لاڤ بیت، په‌قینێن چه‌ند رۆژێن بۆری ل ئه‌فغانستانێ ژی نیشانا هندێ نه، چونكو داعش و قاعیده دخوازن ژ ره‌وشا نها یا ئالۆزل ئه‌فغانستانێ مفا وه‌ربگرن و ده‌ست ب كریارێن تیرۆرستی بكه‌ن، بێگومان هه‌كه رێگری نه‌هێته كرن داعش و قاعیده جاره‌كا دی دشێن ئاریشێن مه‌زن بۆ هه‌موو جیهانێ دروست بكه‌ن.
