پوتین ژ ئەردۆگانی توورە بوویە
ئەڤرۆ نیوز:
بەرپرسەکێ وەزارەتا بەرەڤانیێ یا روسیا کو نەخواستیە ناڤێ خوە ئاشکرا بکەت بۆ ئاژانسا سپۆتینگ یا وی وەلاتی دیار کریە کو ئەردۆگانی د سەرەدانا خوە یا بەری نها بۆ روسیا سۆز دابوو پوتینی کو دێ بێی شەر هەموو چەکداران ژ ئدلبێ دەرخینیت لێ هەتا نها ژی ئەردۆگانی سۆزا خوە بجه نەئینایە و ئەلنوسرا ل ئدلبێ بهێزتر بوویە.
هەمان بەرپرسێ روسیا ئەو یەک ژی دیار کریە کو ژ بەر هندێ ژی پوتین گەلەکێ ژ ئەردۆگانی توورە بوویە و دخوازیت د زووترین دەم دا پرسا ئدلبێ ل گەل شامێ و بێی تورکیا چارە بکەت.
