پویز (کویزی) ژی وەك برنجی ل ئاكرێ دهێنە چاندن
رەمەزان زەكەریا
عەباس شێخۆ، جۆتیارەكێ دەڤەرا ئاكرێ یە ددیدارەكێ دا بۆ رۆژنامەیا ئەڤرۆ گۆت: دەمێ ل پاییزێ برنج ب دووماهی دهێت دكەینە پیز، بازارێ پیزی یێ باشە و كڕیارێن وێ گەلەك د زۆرن ژ زاخۆ هەتا سلێمانیێ كڕیارێن پیزی هەنە، ئەو پیزی كو ئەم بەرهەم دئینین دەمێ پێنج هەیڤان دا ب بەردەوامی دهێتە بڕین و دوبارە ل سەر رها خۆ شین دبیتە ڤە، ژبەر هندێ بەردەوام بازارێ وێ هەیە و دشێن مفایەكێ باش ژێ ببینن و خواستەكا زۆر ژی ل سەر هەیە.
ناڤبری گۆت: ب بەردەوامی ئەم دو مفایان ژ ڤان زەڤیێن خوە دبینین ل بهارێ دكەینە برنج و ل زڤستانێ ژی دكەینە پیز، پیزێ مە یێ پاقژە دهێتە شیشتن و ڕۆژانە هەر كەسەك هزار بۆ هزار و پێنج سەد دەسكێن پیزیێ ئامادە دكەت و دچیتە گەلەك باژێران، ب تایبەت ل بازارێ وێ ل دهۆكێ گەلەك یێ گەرمە.
