پڕۆژهكێ ئاڤێ ل ئیدارهیا سهربخوه یا زاخۆ هاته ڤهكرن
زاخۆ، عهلی حاجی:
پڕۆژهیهكێ ئاڤێ ل ههردو كۆمهلگههێن پێشابیر و دێرهبوونێ ل سنوورێ ئیدارهیا سهربخوه یا زاخۆ هاته ڤهكرن و ئهو پرۆژهیه ژی دێ ئاریشهیا نهبوونا ئاڤا ڤهخوارنێ ل وان دهڤهران چارهسهر كهت.
د كۆنگرهیهكێ رۆژنامهڤانی دا گوهدار شێخۆ، سهرپهرشتێ ئیدارهیا سهربخوه یا زاخۆ بۆ رۆژناما ئهڤرۆ گۆت: “پرۆژهیێ ئاڤێ ل كۆمهلگههێن پێشابیر و دێرهبوونێ ب گوژمێ ملیارهك و 97 ملیۆن و 789 هزار دیناران هاتیه دروستكرن و پارێ پرۆژهیی ژی ژلایێ جڤاتا وهزیران ڤه هاتبوو تهرخانكرن و دهمێ پرۆژهی ژی 240 رۆژ بوون، ئهڤ پرۆژهیه ژی ب شێوهیهكێ باش كار تێدا هاتیه كرن و دێ ئاكنجیێن ڤان ههردو كۆمهلگههان ژ ئاریشهیا نهبوونا ئاڤێ قورتال بن، دیسا ئهوا د شیان دا بیت دێ خزمهتا ڤان دهڤهران كهین و وهكو ئیدارهیا سهربخوه یا زاخۆ ژی ئهم ب ئهركێ خوه دزانین خزمهتهكا باشتر ل ڤان دهڤهران بكهین”.
ناڤهاتی گۆتژی: “كاروانێ ئاڤهدانیێ یێ حوكمهتا ههرێما كوردستانێ ل ڤان دهڤهران دێ یێ بهردهوام بیت، ئهم پشتهڤانیێ ل ههموو پرۆژهیێن باش بۆ خهلكێ خوه ل ڤێ دهڤهرێ دكهین و ل گهل دێ مافێن رهوایێن خهلكی نه”.