پڕۆژهیهك بۆ بارانا دهستكرد ل ههرێمێ دهێته بهرههڤكرن
ههولێر، قائید میرۆ:
دهستهیا ژینگههێ ب ههماههنگی ل گهل وهزارهتێن چاندن و باژێڕڤانی پڕۆژهیهك بۆ بارانا دهستكرد بهرههڤكریه و رێڤهبهرێ گشتیێ دهستهیا ژینگههێ ژی دبێژیت: ب ههڤكاریا ههژمارهكا وهلاتان ئهو پڕۆژهیه دێ هێته بجهئینان.
ئازاد نووری، رێڤهبهرێ گشتیێ دهستهیا ژینگهها ههرێما كوردستانێ بۆ رۆژناما ئهڤرۆ دیار كر، پڕۆژێ بارانا دهستكرد ژ لایێ وهزارهتێن چاندن و باژێڕڤانی كار ل سهر دهێته كرن و ئهگهر بهێته پهسهندكرن بۆ سهرۆكایهتیا جڤاتا وهزیران دێ هێته بلندكرن و گۆت: “ههردهمێ سهرۆكایهتیا جڤاتا وهزیران پڕۆژێ بارانا دهستكرد پهسهند بكهت، ژ لایێ دهستهیا گشتیا ژینگههێ ڤه دێ هێته بجهئینان، بهلێ پڕۆژێ بارانا دهستكرد پێدڤی ب وهلاتێن دی ژی ههیه و ب تنێ ژ لایێ ههرێما كوردستانێڤه ناهێته بجهئینان”.
ئازاد نووری گۆتژی: “مه دانوستاندن ل گهل هژمارهكا وهلاتان كرینه بۆ بجهئینانا پڕۆژێ بارانا دهستكرد، ژ وان ژی: ئهمریكا و كهنهدا و ئهلمانیا، بجهئینانا پڕۆژهی دێ بیته ئهگهرێ زێدهكرنا رێژا بارانێ ل ههرێما كوردستانێ و ههموو پارێزگههێن ههرێما كوردستانێ ژی ژ بارانا دهستكرد دێ مفادار بن، چونكی پڕۆژهیهكێ ستراتیژیه و مفایهكێ زۆر دێ بۆ رهوشا نوكه یا سهقای ههبیت”.
