پڕۆژەیێ ئاڤاهیێ دادگەها ئامێدیێ بەر ب قووناغێن دووماهیێ یە
ئامێدیێ، مەحمود نهێلی:
ل سەر فەرمانا جەنابێ سەرۆك بارزانی و پشتی سەردانا جەنابێ وی بۆ دەڤەرێ، دەست ب چێكرنا ئاڤاهیەكی بۆ دادگەها بەرایی یا ئامێدیێ هاتە كرن و نوكە كار تێدا بەردەوامە و پتر ژ 50% كار تێدا هاتیە كرن.
ئەندازیار فەرهاد یاسین، ئەندازیارێ سەرپەرشتێ پڕۆژەی بۆ رۆژناما ئەڤرۆ دیار كر، پشتی سەرەدانا جەنابێ سەرۆك بارزانی و ل سەر داخوازییا وەلاتیێن دەڤەرێ، دەست ب چێكرنا ئاڤاهیێ دادگەها ئامێدیێ هاتە كرن و گۆت: «كاركرن تێدا بەردەوامە و گەهشتیە قووناغێن دوماهیێ و كارێن داویێ تێدا دهێنە كرن».
گۆتژی: «گوژمێ ئێك ملیار و 700 ملیۆن دیناران ل سەر بودجەیا پارێزگەها دهۆكێ بۆ هاتینە تەرخانكرن و ب شێوازەكێ جوان و سەردەمیانە و ب كوالێتیەكا باش ئەڤ ئاڤاهیە دهێتە چێكرن، بڕیارە د دەمەكێ نێزیك دا بكەڤیتە دخزمەتا خەلكێ دەڤەرێ و دادگەها ئامێدیێ دا».
