پڕۆژەیێ بەنداڤا گوندێ هەسنبەكرا ئەڤ سالە دێ تەمام بیت
ئامێدیێ، مەحمود نهێلی:
كارێ چێكرنا پڕۆژەیێ بەنداڤا گوندێ هەسەنبەكرا ب داوی هاتیە و ئەڤ سالە دێ كەڤیتە د خزمەتا خەلكێ وی گوندی دا.
ئەندازیار بوتان ئامێدی، بەرپرسێ هۆبا ئاڤدێرییا ئامێدیێ بۆ رۆژناما ئەڤرۆ دیار كر، ئەڤە ئێك ژ وان پڕۆژەیان بوویە یێن ئەڤ سالە دەست بچێكرنا وان هاتیە كرن د وارێ ئاڤدێریێ دا و گۆت: «ژ بەر كو گوندێ هەسەنبەكرا گوندەكێ دێمە و كانیكێن ئاڤێ كێم لێ هەنە و جۆتیار نەشیان مفای ژێ وەرگرن، بۆ كارێن چاندنێ ژ بەر وێ یەكێ مە رازیبوونا خوە دیار كر، ل سەر چێكرنا سكرەكی بۆ كۆمكرنا ئاڤا سەر ئەرد و ئاڤا بارانان».
گۆتژی: «ل ڤێ بهارێ دەست ب چێكرنا وی سكری هاتیە كرن و نوكە ب داوی هاتیە، ئەڤ بەنداڤە دێ 70 هزار مەترێن سێجا یێن ئاڤێ عمباركەت و 100 دۆنەمێن ئەردی دێ ل بەر هێنە ئاڤدان».
ئەڤ پڕۆژە ب گوژمێ 144 ملیۆن دیناران ژ لایێ حكۆمەتا هەرێما كوردستانێ ڤە هاتیە بجهئینان.
