پڕۆژەیەكـێ ئاڤـێ ل كۆمەلگەها باگێرا دهێتە بجهئینان
دهۆك، دلۆڤان ئاكرەیی:
رێڤەبەرێ ئاڤا دهۆكێ دیاركر، پڕۆژەیێ عەمبارەكا ئاڤێ ل كۆمەلگەها باگێڕا ب گوژمێ زێدەتر ژ 226 ملیۆن دیناران دهێتە بجهئینان.
ئەندازیار بشار حەجی زەینەل، رێڤەبەرێ ئاڤا دهۆكێ بۆ رۆژنامەیا ئەڤرۆ گۆت: «د بەردەوامیا پڕۆژەیێن حكومەتا هەرێما كوردستانێ دا بۆ نەهێلانا كاریگەریا هشكەسالیێ، كار ل سەر چێكرنا عەمبارەكا كۆنكریتی یا ئاڤێ ب قەبارێ هزار مەترێن سێجار ل كۆمەلگەها باگێرا و ب گوژمێ 226 ملیۆن و 895 هزار دیناران دهێتە كرن و نێزیكی 55% تەمامبوویە».
گۆتژی: «ب دووماهی هاتنا پڕۆژەی ئاریشەیا ئاڤێ ل كۆمەلگەها ناڤبری ب تەمامی دێ چارەسەربیت».
