پڕۆژەیەكێ مەزن یێ گەشتیاری ل سكرێ دهۆكێ دێ هێتە چێكرن
ل دۆر دروستكرنا پڕۆژەیێن وەبەرهێنان و گەشتیاری بۆ دەوروبەرێن سكرێ دهۆكێ، پارێزگارێ دهۆكێ سەرپەرشتیا كۆمبوونەكێ كر.
د. عەلی تەتەر، پارێزگارێ دهۆكێ، سەرپەرشتیا كۆمبوونەكێ ل دۆر پڕۆژەیێن گەشتیاری و وەبەرهێنانێ ل دەوروبەرێن سكرێ دهۆكێ كر، د كۆمبوونێ دا باسی دروستكرنا هندەك پڕۆژەیێن نوو ل دەوروبەرێن سكرێ دهۆكێ هاتە كرن، پشتی دانوستاندن و هەلسەنگاندنا بابەتیانە یا پڕۆژەی، پارێزگارێ دهۆكێ رێڤەبەریێن پەیوەندیدار راسپاردن ب زووترین دەم نەخشەیێ پێدڤی بۆ پڕۆژەی بهێتە دروستكرن.
دیسا پشتی كۆمبوونێ ژی تیمەكێ رێڤەبەریا گشتی یا ئاڤەدانكرن و رێك و پران و رێڤەبەریا گشتی یا باژێرڤانیان د گەل دا رێڤەبەریا سكرێ دهۆكێ ب شێوەكێ مەیدانی سەرەدانا سكرێ دهۆكێ كر و ژ نێزیك سەحكرە جهێ پڕۆژەی، هەژی گۆتنێ یە، كو چەندین لژنە بۆ ڤێ مەرەمێ هاتینە پێكئینان.
