پڕۆژەیەكێ ستراتیجی یێ ئاڤێ ل دەڤەرا شێخان دهێتە بجهئینان
شێخان، بارزان مزووری:
ئەندازیار خالد دیاب، رێڤەبەرێ ئاڤا ناحیا زێلكان بۆ رۆژناما ئەڤرۆ دیار كر، بڕیار ل سەر دروستكرنا مەزنترین پڕۆژەیێ ستراتیجی یێ راكێشانا ئاڤێ ژ بەنداڤا مووسلێ و رووبارێ خازر و مەندان بۆ ناحیا زێلكان و كۆمەلگەها مەهەت و گوندێن سەر ب وێ ناحیێ ڤە هاتیەدان و دبێژیت: بجهئینانا پڕۆژەی دێ قەیرانا كێمئاڤیێ ب دوماهی هێت.
ناڤبری گۆت: «نوكە هەموو كار ب دوماهی هاتینە، پارە ژی بۆ هاتیە تەرخانكرن، ب تنێ مایە كۆمپانیا كاری ل سەر بكەت».
گۆتژی: «پڕۆژە گەلەك یێ گرنگ و مەزنە، ب گوژمێ زێدەتری 18 ملیار دیناران ژ لایێ ئیدارا نەینەوا ڤە دێ هێتە بجهئینان».
