پڤدانک مەترسیا مرنێ زێدە دکەن
ئه‌ڤرۆ نيوز:
ڤەکولینەکا نوو داخازێ ژ کەسوکاران دکەت پڤدانکا ژ دەستێن زارۆیێن کێمتر ژ ھەشت سالیێ دووربکەن، ب بەھانەیا وێ چەندێ کو مەترسیەکا دروست ل سەر ژیانا وان دروست دکەن، پشتی کو ھندەک ژوان ژ ئەگەرێ ب کارئینانا پڤدانکا خەندقین، پاشی ڤەکولین کەسوکاران ئاگەھداردکەت کو زارۆیێن خوە ب تنێ نەھێلن ل گەل پڤدانکا و بلا لژێر زێرەڤانیێ بن، ئەڤجا چ ئەو پڤدانک د پڤدای بن یان نە.
دڤەکولینێ دا ھاتیە، ل سالێن دووماھیێ گەلەک زارۆ ژ ئەگەرێ پڤدانکا خەندقینە، و زارۆیەکێ پێنج سالی پشتی داعوورانا پڤدانکەکێ چو نەمابوو دا گیانێ خوە ژدەست دەت، بەلێ تیمێن ھەوارھاتنێ پشتی ھەناسەیا دەستکرد بۆ چێکری زڤریڤە.
نوشدار دبێژن مەترسیا پڤدانکا پتر ل سەر پڤدانکێن پڤدای و پەقینا پڤدانکان ڤە ھەیە، لەورا پێدڤیە زارۆیێن ھەشت سالی ژێ بھێنە دوورکرن.
پرۆفیسور ئەمیر کوجلمان، ژ ئێکەتیا ئەمریکی و ئورۆپی یا نوشداریا زارۆیان دبێژیت: ڤەکولینێن ڤێ دووماھیێ دیاردکەن کو پڤدانک ئەگەرێ مەزن یێ مرنا زارۆیێن کێمتر ژ شەش سالیێ یە، پڤدانکێن نە پڤدای و بەرمایکێن وان یێن پەقی دبنە مەترسیەکا دروست ل سەر ژیانا وان، ل ڤێرێ دیاردبیت کو نابیت زارۆ ب ئێکجاری ژ یاریکرنا پڤدانکا بھێنە دوورکرن، بەلکو پێدڤیە ل ژێر چاڤدێریا کەسێن مەزن یاریان بکەن.
