پۆتین: ئه‌م ژ بۆ شه‌ڕێ ناتۆیێ دئامادەینە
ڤیلاده‌میر پۆتین سه‌رۆکێ رۆسیا د داخۆیانیه‌کێ دا راگه‌هاند کو ل سووریێ لیژنه‌کا په‌یوه‌ندیان د ناڤبه‌را وان و ئه‌مریکا دا هه‌یه و کارێ ڤێ لیژنێ چاڤدێریکرنا رۆژهه‌لات و رۆژئاڤایێ رووبارێ فراتێ یه و گۆت: (ژ بۆ هێزێن مه و ئه‌مریکا نه‌هێنه هه‌مبه‌ری هه‌ڤدو، مه ب هه‌ماهه‌نگی ل گه‌ل ئه‌مریکا لیژنه‌کا چاڤدێری و هەماهەنگیێ ئاڤا کریە، ئه‌و لیژنە نیازپاکیا هه‌ر دو ئالیان نیشا ددەت، لێ هه‌که هێزێن ناتۆ یان ئه‌مریکا ژ سنۆرێن خوه ده‌رکه‌ڤن و زێده‌گاڤیێ بکەن دێ ئالۆزیێن مه‌زن روو ده‌ن و دڤێت ناتۆ بزانیت کو ئه‌م ژ بۆ شه‌ڕێ وێ ژی ئامادەینە).
د پشکه‌کا دی یا ئاخڤتنا خوه دا ژی سه‌رۆکێ رۆسیا راگه‌هاند کو په‌یوه‌ندیێن وه‌لاتی وی ل گەل تورکیا باشن و گۆت: (د ده‌مه‌کێ گونجای دا دێ ل گه‌ل سه‌رۆک کۆمارێ تورکیا کۆمبم. ل سه‌ر داخوازا ئه‌ردۆغانی رۆژا چارشه‌مبیێ ئانکو ١/٨/٢٠٢٣ ب رێیا تەلەفۆنێ دێ ل گەل رەجەب تەیب ئەردۆغانێ سەرۆک کۆمارێ تورکیا ئاخڤم، هەروەسا د دەمەکێ گونجای دا دێ سەرەدانا تورکیا ژی کەم).
