پۆتین: بۆ پاراستنا رۆسیا دێ هەر کارەکێ کەین
ڤیلادەمیر پۆتین سەرۆکێ رۆسیا راگەهاند، پشتی ئۆکرانیا مۆشەکێن دوورهاڤێژ یێن ئەمریکا و بریتانیا ل دژی رۆسیا بکار ئینا وان ژی وەکو رۆسیا مۆشەکێن دوورهاڤێژ بکارئینان و رۆسیا دێ بۆ پاراستنا خوە هەر کارەکێ کەت و رێ نادەت ئەمریکا و وەلاتێن رۆژئاڤایی ب رێیا ئۆکرانیایێ ئالۆزیان بۆ رۆسیا دروست بکەن.
پۆتین ئەو یەک ژی دیار کر، هەتا وەکو رۆسیا ئەو ل ئۆکرانیایێ نەگەهنە ئارمانجێن خوە و مەترسیا ئەمریکا و ناتۆ ژی ل سەر رۆسیا هەبیت وەکو رۆسیا ئەو دێ بەردەوامیێ دەنە شەڕێ نها و رێ نادەن ناتۆ و ئەمریکا نێزیکی سنۆرێن رۆسیا بن، ژ بۆ ڤێ یەکێ ژی رۆسیا دێ هەر کارەکێ کەت و پێدڤی بیت دێ چەکێن دیتر ژی بکار ئینین، چونکی مەترسی ل سەر رۆسیا هەنە و دڤێت وان مەترسیان دوور کەین.
