پۆتین: دێ هەموو چەکەکێ ل دژی ئۆکرانیایێ بکار ئینین
سەرۆکێ رۆسیا راگەهاند، هەکە ئەمریکا بۆمبێن پێشکەفتی و مەترسیدار بدەتە ئۆکرانیایێ و هێزێن ئۆکرانیایێ ژی وان ل دژی لەشکرێن رۆسیا بکار بینن، وی دەمی رۆسیا ژی دێ هەموو چەکەکێ ل دژی لەشکرێ ئۆکرانیایێ بکار ئینیت، چونکی نها ئەمریکا و وەلاتێن دی یێن ئەندامێن ناتۆ دخوازن چەکێ مەترسیدار بدەنە ئۆکرانیایێ، ئەو یەک ژی دهێتە رامانا قۆناغەکا نوو یا شەڕی و رۆسیا ژی بۆ پاراستنا خوە دێ یا پێدڤی کەت.
پۆتینی ئاماژە ب هندێ ژی کر، رۆسیا شەڕی بۆ ئارمانجەکا دیارکری ل ئۆکرانیایێ دکەت، هەکە رۆسیا نەگەهیتە ئارمانجا خوە دێ شەڕ بەردەوام بیت، هەکە ئەمریکا و وەلاتێن رۆژئاڤایی چەکێ مەترسیدار بدەنە ئۆکرانیایێ، رۆسیا ژی چەکێ پێدڤی هەنە و دێ ب توندی بەرسڤا هەر ئێرشەکێ دەت.
هندەک ژ بسپۆرێن سیاسی ژی وەسا دبینن گەفێن پۆتینی مەترسیدارن، چونکی بەری دو رۆژان سەرۆکێ ئەمریکا ژی دیار کربوو هەکە ئۆکرانیا ببیتە ئەنداما ناتۆ دێ شەڕێ جیهانی یێ سیێ دەستپێکەت.
