پۆتین سەرکەفت و هۆشداریێ ددەتە وەلاتێن رۆژئاڤا
ڤیلادەمیر پۆتین سەرۆکێ رۆسیا د هەلبژارتنێن سەرۆک کۆماریێ ل وی وەلاتی دا شیا ٨٧.٧٪ دەنگان بدەستڤە بینیت و پشتی راگەهاندنا ئەنجامێن هەلبژارتنان، پۆتین د داخۆیانیەکێ دا بۆ دەزگەهێن راگەهاندنا وی وەلاتی دیار کر، سەرکەفتنا وی دێ بیتە ئەگەرێ بهێزبوونا رۆسیا و ئەو دێ ب هەموو شیانێن خوە کار بۆ بهێزبوونا رۆسیا کەت.
پۆتین د پشکەکا دی یا ئاخڤتنا خوە دا سەبارەت ب هنارتنا هێزێن سەربازی ژ ئالیێ هندەک وەلاتێن ئەندامێن ناتۆ بۆ ئۆکرانیایێ ژی دیار کر، هەکە کارەک وەسا بهێتە کرن ئەو یەک دێ بیتە ئەگەرێ شەڕێ مە ل گەل ناتۆ، بێگومان هەکە تشتەک وەسا روو بدەت دێ ئەو یەک بیتە ئەگەرێ روودانا شەڕێ جیهانی یێ سیێ.
سەرۆکێ رۆسیا ئاماژە ب ڤێ یەکێ ژی کر، وەکو رۆسیا وان نەڤێت شەڕێ ناتۆ بکەن، لێ هەکە ناتۆ هێزێن سەربازی رەوانەی ئۆکرانیا بکەت وی دەمی رۆسیا دێ یا پێدڤی ل دژی ناتۆیێ کەت.
