پۆلیتەكنیكی و شێلادزێ نوونەرێن پارێزگەهێ نە
د داخویانیەكێ دا سەرۆكێ فیدراسیۆنا تێنسا مێزێ ل هەرێما كوردستانێ بۆ رۆژنامەیا ئەڤرۆ دیار كر پشتی رازیبوونا لژنەیا ئۆلمپیا كوردستانێ بەرهەڤی تەمام بووینە و بڕیارە ل28 ێ خزیرانێ خولا پلا ئێك ل باژێرێ سلێمانیێ هێتە كرن ئەوا دێ ب پشكداریا 15 یانەیان ژوانا دو یانە دێ نوونەراتییا دهۆكێ كەن ئەوژی پۆلیتەكنیك و شێلادزێ.
زێدەتر ئێحسان حەسەن گۆت: ژبەر كو رێژەیا یانەیێن پشكدار زۆرە شێوازێ وێ بوویە كەفتنا دو جاركی و دو یانە دێ دەربازبنە پلا نایابن، ل بەرنامەیێ مە یێ سالانە دێ خولەك بۆ ژیێن جودا ل پارێزگەها دهۆكێ هێتە كرن و هەروەسان دووڤدا دێ خولا نایا بهێتە كرن، هەر چالاكیەكا ئەم ئەنجامدەین یاریزانێن هەلبژارتیێ كوردستانێ تێدا دیاردبن، هەمان یاریزان دهێنە داخوازكرن بۆ ناڤ رێزێن هەلبژارتیێ ئیراقێ دا كۆمەكا باش یاریزانێن مە دناڤ دانە تایبەت پتریا وان ل سەر ئاستێ كچ كو ئاستەكێ مەزن نیشان بدەن، ل دووڤ شیانێن بەردەست هەمی دەمان ئەم بەرهەڤین بۆ هەر چالاكییەكێ چ نافخوە یان دەرڤە بیت.
ل دووماهیێ ئێحسان حەسەن گۆت: هەردەم ئەم پلان و بەرنامەیان بۆ هەر چالاكییەكێ بەرهەڤ دكەین و بۆ قارەمانیێن نێڤدەولەتی ژی هەكە پشتەڤانییا دارایی هەبیت مە شیانێن هەین، دیسان وەكو هزر و هیڤی هەكە قارەمانی ل سەر ئاستێ هەر چار پارچەیێن كوردستانێ بۆ یاریزانێن كورد هەبن دێ پێنگاڤەكا باش بیت.
