پۆلیسێن ئافرەت رۆلەكی گرنگ د پاراستنا ئاسایش و ئارامیا جڤاكی دا هەیە
دلڤین رەشید
حزنا سەعید مستو، د دیدارەكێ دا بۆ رۆژنامەیا ئەڤرۆ گۆت: ئەز خەلكا خانكێ مە، لێ نوكە ل وەلاتێ ئەلمانیا دژیم و لڤی وەلاتی شیایمە ل كولیژا سەربازی پلا هەرە باش ب دەست خۆڤە بینم و پولیسێن ئافرەت رۆلەكی گرنگ هەیە دپاراستنا ئاسایش و ئارامیا جڤاكی دا و ئەم دێ كاركەین ل گەل هەڤكارێن خۆ ژ بۆ هندێ ئەم بشێین جڤاكەكی ئارام و پاراستی دورست بكەین.
هەروەسا گۆت: ئافرەت دشێن د چەند بۆارێن جودا جودا كاربكەن،وەك پولیسێن هاتنوچونێ و ڤەكۆلەرێن تاوانان و گەلەك بۆارێن دی یێن سەربازی، ژبۆ هەر روودانەكا نەچاڤەرێكری و ئەم وەك ئافرەتێن پۆلیس هەموو بزاڤان دكەین ئارامیا جڤاكی ب پارێزن و هەبوونا ئافرەتێن پۆلیس دناڤ دەزگەهێن ئاسایشێ دا گرنگیەكا مەزن هەیە، چونكی ئافرەت دشێت دگەل ژن و زارۆكان باشتر مامەلێ بكەت، ب تایبەت كەیسێن توند و تیژیا خێزانی، ئەڤ چەندە دبیتە هاریكار قوربانی ب ئاسانی باخڤیت، ل گەل گەل وێ چەندێ ژی ئافرەتێن پۆلیس هەمان راهێنان و بەرپرسایەتی وەربگرن وەك زەلامان، دڤێت ئەو یێ ب هێزبن و یاسایێ باش ناس بكەن و شیانێن كاركرنێ د دكاودانێن جودا دا هەبن و ئافرتێن پۆلیس نموونەێن باشن ژ بۆ كچ و ژنان، چونكو وێ چەندێ نیشا ددەن كو ژن ژی دشێت د هەر بۆارەكی دا كار بكەت و رۆلەكی گرنگ دخزمەتكرنا جڤاكی دا ب گێڕیت.
