پۆلیسێن ئەمریکی کەسەکێ دی یێ ره‌شپیست كوشت
ئەڤرۆ نیوز:
وه‌لاتیه‌كێ دیتر یێ ره‌شپیست یێ ئه‌مریكى ب گولەیێن پولیسێن باژێرێ فیلادیفیا یا سه‌ر ب ویلایه‌تا په‌نسلڤانیا ڤه هاته كوشتن، ژبه‌ر وێ یه‌كێ ژى خوه‌نیشاندان ل دژى پۆلیسان هاتنه كرن.
پۆلیسێن ئه‌مریكى دیار کریە، وه‌لاتى والته‌ر والاس، پشتى ب چه‌قۆیێ هێرش كرییه سه‌ر هێزێن پۆلیسان و ره‌تكری خوه راده‌ستى پۆلیسان بكه‌ت، پۆلیسان ژى ته‌قه لێ كر یه و کوشتیە.
لدووڤ گۆتنا شاكا جونسن، پارێزه‌رێ بنه‌مالا ناڤهاتى: كوشتنا والته‌ر والاس كاره‌كێ نه‌ره‌وایه ژبه‌ركو نه‌خۆشییا ده‌روونى هه‌بوو.
ژ ئالیه‌كێ دیترڤه، ژبه‌ر ڤێ روودانێ خوه‌نیشاندان ل دژى پۆلیسان هاتینه كرن و چه‌ندین فرۆشگه‌هـ ژلایێ خوه‌نیشانده‌ران ڤه هاتینه سۆتن و تالانكرن، به‌رپرسێن باژێرى ژى داخواز ژ وه‌لاتییان كر ئالۆزییان دروست نه‌كه‌ن.
هه‌تا نوکە د شه‌ر و پێكدادانێن دناڤبه‌را پۆلیس و خونیشانده‌ران دا، 30 ئه‌فسه‌رێن پۆلیسان بریندار بووینه و 91 كه‌س ب تۆهمه‌تا سۆتن و تالانكرنا فرۆشگه‌هان هاتینه ده‌سته‌سه‌ركرن.
