پۆلیسەکێ هەوارهاتنێ دوماهی ب ژیانا خوە ئینا
ئەڤرۆ نیۆز،عەزیز رەسۆل:
پەیڤدارێ پۆلیسێن قه‌زاو ناحیێن پارێزگەها سلیمانیێ راگه‌هاند،کو پۆلیسەکێ هەوارهاتنێ ب رێیا چەکی دوماهی ب ژیانا خوە ئینایە.
نه‌قیب سائیب سه‌لام پەیڤدارێ پۆلیسێن قه‌زا و ناحیێن سلێمانیێ بۆ ئه‌ڤرۆ نیۆز گوتیە:ل دره‌نگی شه‌ڤ نووچەیەک گەهشتیە مە،کو کەسەکێ ل ناحیا عه‌ربه‌ت یا سەر ب پارێزگەها سلێمانیێ ڤه خوە کوشتیە و هێزێن پۆلیسان ژی هەر زوو گەهشتینە جهێ روودانێ.
سه‌لامی گۆتیە ژی:پشتی وی پۆلیسی خوە کوشتی،مە تەرمێ وی ڤەگوهاستیه نۆشداریا داد ل سلێمانیێ و دڤەکۆلینێن مە یێن دەستپێکی دا دەرکەفتیە،کو ناڤهاتی ب رێیا چەکی خوە کوشتیە،هەروەسا ناڤێ وی (گه‌رمیان محه‌مه‌د عوبدولا) یە و ژ دایك بوویێ سالا 1992 یە و خەلکێ ناحیا عه‌ربه‌ته،پیشەیێ وی ژی كارمه‌ندێ پۆلیسێن هەوارهاتنێ بوو.
