پۆپچی ژ خهیالێ بۆ واقعێ موسلمانان
ههژین رێكانى
ئێك ژ ئهنجامێن یاریا پوپچی ئهو روودانا ل ڤێ دووماهیێ بوویه یانی دژی موسلمانان هاتیه ئهنجامدان كو هێرش ل سهر دو مزگهفتان هاتیهكرن و 50 كهس قوربان و ٤٨ بریندار، و هێرش ژ لایێ كهسهكێ ب دژی ئیسلامێ بوویه كو نڤێژكهرێن رۆژا ئهینێ كرینه ئارمانج، كو ڤێ روودانێ كارڤهدانێن جیهانی بدووڤ خوهڤه هێلاینه و ژمارهكا مهزن ژ دهولهتان ههر ئێكسهر پشتی روودانێ ههڵویستێن خوه نیشادان، ل ڤێره دو بابهت دهێنهپێش، ئێك ژ وان ئهو ژمارا مهزن یا كهسان یاریا پۆپچی بكاردئینن و ئهڤ یاریا ئهلكترۆنی كارتێكرنهكا نێگهتیڤ یا ئێكسهر ل یهر هزر و مێشكێ مرۆڤان ههیه و وهل مرۆڤان دكهت كار ل سهر ڤێ هزرێ بكهن و جاران د واقعی دا توندوتیژی د ناڤبهرا كهسان دا پهیدا دبیت و جاران بوویه ئهگهرێ خۆكوشتنێ و دیسا كوشتنا كهسێن دی، یاریا پۆپچی وهدكهت مرۆڤ جودابیت ژ جیهانا واقعی و بۆخوه جیهانهك دی دروست بكهت، هۆسا دبیته دولایهنی ئالۆدهبوون ل سهر ڤان یاریێن ئهلكترۆنی چێدبیت كو ئهڤ یاریه ل سهر حسابا هندهك تشتێن دی دهێته كرن كو یا پێدڤی بوو پلانا ژیانا خوه ههبوو، ڤێ یاریێ كاریگهریا ساخلهمیێ و دهروونی ههی، ههژیه بێژین كو بكارئینهرێن یاریا پوپچی 200 ملیۆن كهسن و رۆژانه 30 ملیون كهس پوپچی بكاردئینن، یا ژ ڤێ ههمیێ خرابتر ئهوه ئێكهم ئێكهم بهرههمێ خراب و نموونه ل سهر موسلمانان هاته جێبهجێكرن هند ئهو تاوانبار وهك سۆشیال میدیا كو ڤیدیۆ ب شێوهكێ ئێكسهر ل كهنالێ یۆتیۆبی ڤهگوهاستیه، شانازیێ ب ڤێ تاوانێ ببهت، هند ژی ب شێوهكێ گشتی ههر وهك خۆشیێ ژ كوشتنێ دبهت كوشتنا كهسێن موسلمان و بابهتێ دیێ گرنگ پێكڤهژیانه كو یا پێدڤی ل ههموو جیهانێ ههبیت پێكڤهژیانا گشت نهتهوه و ئایینان، لێ ب داخڤه هێرش ههمبهر موسلمانان دبهردهوامن و تا موسلمانێن پهنابهر ژی ب تیرۆرست ددهنه ناساندن و ههر ژبهر ڤێ ئێكێ دهولهتان ههلویستێ خوه نیشادایه ل دۆر ڤێ روودانا ل داویێ و هوشداری دایه ل دهركهفتنا نیشادا و پێكهاتێن زێدهبوونا ئیسلاموفۆبیا (ترس ژ ئیسلامێ) و دیسا ههلویست ههبوویه كو دشێن كارێن ههڤپشك دژی توندوتیژیێ ب شێوازهكێ نوو بهردهوام بیت، ل ڤێرێ یا گرنگه كا چ بهێته كرن ل پشتی ڤێ روودانێ یا ب دژی موسلمانان هاتیه ئهنجامدان، دیسا چ بهێتهكرن ژبۆ یاریا پوبجی زێدهتر نه هێتهبكارئینان، یان نموونا وێ ژ خهیالی بوو واقعی و موسلمان كرینه ئارمانج و ههر دیسا جیهان ل سهر بابهتێ پێكڤهژیانێ راوهستیت و بێخیته بهر بهحس و دانوستاندنێ و ڤهدیتنا رێگه چارهیان.
