پیاسەیێن بلەز ژیێ مرۆڤی درێژ دکەن
بەرپەرێ ساخلەمیێ:
ڤەکۆلینەکا بریتانی دیارکریە کو پیاسێن ب لەز ب شێوەکێ رۆژانە دشێن شانەیێن لەشی بۆ دەمەکێ درێژتر ب ساخلەم بهێلن و کاریگەری دێ ل سەر عەمردرێژیا مرۆڤی هەبیت.
ڤەکۆلینەکا بڕیتانی کو ل گۆڤارا Communications Biology بەلاڤکریە دیارکریە، ئەنجامدانا وەرزشا پیاسێن ب لەز دێ کاریگەری ل سەر درێژکرنا عەمرێ مرۆڤی هەبیت.
ل دووف ڤەکۆلینێ کو ل زانکۆیا لیستەر بریتانیا ل سەر ٤٠٠ کەسان کریە، ڤەکۆلەر گەهشتینە؟ئەوی دەرئەنجامی کو ئەوێن عەمرێ وان ٥٦ سال، رۆژانە راهێنانێن رێڤەچوون ب پێیان ب لەز بکەن ئەو ١٦ سال دێ چنە سەر عەمرێ وان.
ئەو ڤەکولین ل سەر “تیلیۆمێر”ان کریە کو خرۆکێن سپی یێن خوینێ و عەمرێ خانەیان درێژدکەت.
ل ئەنجامێ ڤەکۆلینا وان ئاماژەکریە، دەمێ ئەو خانە دابەش دبن (تیلیۆمێر)کوورتر و کوورتر دبن، هەتا وەلێ دهێت خانان شیانێن زێدەبوونێ نامینن، لەورا خانەیێن ب عەمر ژمارا وان زێدەدبیت، ژبەر ڤێ چەندێ درێژیا تیلۆمیر پەیوەندی ب عەمرێ بایەلۆجی هەیە.
ڤەکۆلینێ پەیوەندییەکا ب هێز دناڤبەرا هەروەلێ و عەمردرێژیێ ئاشکراکریە، لەورا ئەنجامدانا ئەوێ وەرزشێ گەلەکا گرنگە بۆ ساخلەمیێ ب تایبەت هەکە رۆژانە ب تنێ ١٠ دەقیقا ژی بکەیە غار.
