پیرس دێ پێنگاڤا ئێكێ د خولا ئیراقێ دا هاڤێژیت
شاهۆ فەرید:
بڕیارە ئەڤرۆ ل دەمژمێر سێ پشتی نیڤرۆ ل یاریگەهاخوە تیما تەپاپێی یا یانەیا پیرس مێهڤانداریا یانەیا خاك ژ چارچووڤەیێ گەرا ئێكێ یا خۆلا پلە دو یا ئێراقێ ژ كۆما باكووری بكەت.
د داخویانیەكێ دا نێچیرڤان شوكری راهێنەرێ تیمێ بۆ رۆژنامەیا ئەڤرۆ گۆت: ئارمانجامە دەسپێكێ دووبارە ناڤێ یانەیا پیرس ڤەگەرینین خولا ئێراقی كو د سەر دەمەكێ دا هژمارەكا بزەحمەت بۆ د ناڤ خولا نایاب دا، هەمی یاریزانیێن مە د ژیەكێ بچویك دا مە راهێنان داینە و شانازیە مە گەهاندینە ئەڤی ئاستی بەرهەمێ ئەكادیمیا مە بووینە و هەمی دژیێ 2005 سەردانە، بەرامبەری وانا تاقیكرنەكا زەحمەتە چونكۆ یانەیا بەرامبەر پتری مە بەرهەڤی كرینە دخولا پلە ئێكا كوردستانێ پشكدارە، لێ سەر ئاستێ وان ئەم ئاگەهدارین و پێزانینێن باش مە هەنە و بشێن شاشیێن وان مفایی ژێ وەربگرین، دناڤا یاریگەها خوە دا سێ خالێن یاریێ دەستڤەبینین، ئەگەر كەش و هەوا باران بۆ یاریگەهێ، پێگهور ژی مە دەستنیشانكرینە یاریگەها زانكویا دهۆك و یانەیا دهۆك ژی دەرگەهێن خوە بۆ مە ڤەكرینە.
زێدەتر نێچیرڤانی گۆت: دەمەكێ مە خەون دیتن پشكداری خولەكا تەپاپێی بین ناڤێ ئێراقێ پێڤەبیت نوكە ساناهیتر كەتیە، بڤێ رێكێ ئەم دێ یاریزانێن خوە پتر نێزیكی رێزێن هەلبژارتێن ئۆلمپی و لاوان و پێگەهشیان كەین، پالپشتی ژیكا كێمە و یێن تیمێ یانێ هەمی كاپتن هەرژەنگ بابەكر زێباری ستویێ خوەڤە گرێداینە، پالپشتی هەبیت دێ پتر یاریزانا بەرهەم ئینین پێدڤی لسەر یێن بیانی دێ كێم بیت، راگەهاندن ژی یا لاوازە دەبارەیی یانەیا مە و ئاگەهی رەوشا وێ بیت داخوازێ ژێ دكەم پتر ئاگەهی رەوشا مەبن پالپشت بن.
