پیشه‌كارێ زاخۆ هاته دوورئێخستن
ئه‌ڤرۆ، عه‌لی حاجی:
د داخویانیه‌كێدا راهێنه‌رێ تیما باسكێت بۆلا یانا زاخۆ بۆ رۆژناما ئه‌ڤرۆ دیاركر ژبه‌ر لاوازیا ئاستێ یاریزانێ مه یێ پیشه‌كار نه چاربووین مه ده‌ست ژێ به‌ردا و چاڤه‌رێ ئێكێ دی نه.
زێده‌تر ناڤهاتی گوت: هه‌رچه‌نده ب فه‌رمی ل گه‌ل یاریزانێ پیشه‌كار یێ ره‌كه‌ز ئه‌مریكی جاستن موس هاتبوو ئیمزاكرن لێ ئێك ژ مه‌رجێن مه هه‌رده‌مێ ئاستێ وی باش نه‌بیت مه مافێ ده‌ست به‌ردانێ یێ هه‌یی، له‌ورا پشتی بۆرینا سێ یاریان ئه‌و یاریزان نه‌شیایی ئاستێ چاڤه‌ڕێ كری نیشان بده‌ت ئه‌م نه‌چاربووین ده‌ست ژێ به‌رده‌ین و ل پیشه‌كاره‌كێ دی ب گه‌ڕیێن سه‌رباری د ڤی ده‌می دا ب زه‌حمه‌ته په‌یدا بكه‌ین ژبه‌ركو یاریزانێن باش هه‌موویان په‌یوه‌ندی ب یانێن خوه كرینه و هه‌كه یاریزان باش نه‌بیت ئه‌م نا ئینینه دناڤ رێزێن تیمێ دا و دێ پشت به‌ستنێ ل سه‌ر یاریزانێن خوه یێن نافخۆ كه‌ین.
ژلایه‌كێ دی ڤه ناڤهاتی گوت: ئه‌ینیا بهێت مه یاریه‌كا گرنگ هه‌مبه‌ری یانا حه‌شدا شه‌عبی هه‌یه و دڤێت هه‌موو بزاڤا بكه‌ین ئه‌نجامه‌كێ دلخوشكه‌ر ب ده‌ستڤه بینن، ژبه‌ركو مه شیانێن ناسناڤی نینن له‌ورا دێ چاڤێ مه ل رێزێن شه‌شێ دا بیت، لێ هه‌كه‌ر یاریزانه‌كێ پیشه‌كار هات پێنه‌ڤێت دێ بۆ رێزێن باشتر كه‌ین، ئه‌ڤچه‌نده ژی ب پشته‌ڤانیا كارگێریا نوو یا یانێ یه ئه‌وێن به‌رهه‌ڤییا خوه دیاركرین بۆ هه‌ر پشته‌ڤانیه‌كێ.
