پیلانا شكاندنا كوردان ب مهزنترین تیرۆر
خۆیایه جارهكا دى دوژمنان خواست بهختێ خوه ل سهر شكاندن و بهرزهكر كوردان بجهڕبینن كو ئهڤه بۆ شهرێ تیرۆرستێن داعشێ مهزنترین هێز و مهترسیا دوژمنان بوویه ل چهرخێ بیست و ئێكێ بكهڤیته د دیرۆكێ دا و بێگومان بۆ ڤێ ئێكێ ههكه ئهو بیركرن و ڤهلڤینێن درست ل سهر شهر و شۆرهش و ههڤڕكیا گهلێ كورد ل گهل رژیم و دهسههلاتێن دوژمنان بهێنهكرن و خواندن یان ژى ئهگهر چهرخێ بۆرى ل سهر وێ زۆرداریا ل گهلێ مه هاتیهكرن باخڤیت، دهربارهى سهرهاتى و بێ بهایا ل گهل كوردان بكار هاتى، رهنگه نههێنه هژمارتن و نڤێسین و راستیا وێ ئهڤا هه د دیرۆكا ههمى زۆردارێن ڤى مللهتى دا چێبوویه بێگومان ئهم نهشێن دنڤیسین و رۆنكرنهكا ب ڤى رهنگى دا وان نهمرۆڤاتێین كهدخوار و رهگهز پهرستیا وان بدهن خوهیاكرن، چونكو ئهوا دوژمنان ڤیایه و شیایه ب سهرێ گهلێ مه ئینایه، چونكو ئهڤ نهمرۆڤاتیا وان هێشتا بهردهوامه و ژ بلى وان و ئاوریێن وان كو ڤى مللهتى ب ئاگر و ئاسنى بدهن حهلاندن، ههروهسا د فهرههنگا وان دا كورد نهمللهتن و نه دهاته قهبوولكرن كو لایهك بێژین نهتهوا كورد ههنه و خودان كهلتۆر و رهسهنیا خوه ههیه دڤێت ماف و ئازادیا خوه ههبیت ژ بهر كو مرۆڤاتیا مه ژى نهزانیه و ههردهم كو نیازێن یاریكرنێ ب چارهنڤێسێ كوردان ههبوویه، لهوا گهلێ مه ل بهرچاڤێ وان كێم دهاته دیتن، ژ بهر هندى ههتا ئیرۆ ڤارێكرینه و دیاره ژ وان خواستهكێن نهتهوهیى و دووركریه و راستیا ڤێ ئارمانجا وان ل چهرخێ بیستێ ئهڤهبوو كوردان بێدهنگ بكهن و نههێلن سهرێ خوه راكهن، بهلێ ئهوێ باوهرى خۆراگریا ڤى مللهتى ب ئاخ و وهلاتێ وى ڤه نهشیان كارتێكرنا خوه بكهن، ههمى بهلاش چوو ل ڤێرێ مهگۆت ههمى ههول و پێكۆلێن دوژمنان ل چهرخێ بۆرى ئهوبوون گهلێ مه ژ ناڤببهن داكو بیر ل سهروهر و چو كیانێن سیاسێ نهكهت بهلێ وێ خهونا وان سهرنهگرت ژ بهركو گهلێ مه بۆ تهڤایا دونیایێ و مرۆڤخوازێ دیاركریه كو مللهتهكین چ هێز و لایهك نهشێت ئیراده و ڤیانا گهلێ كورد ل بهرامبهرى ئاخ و وهلاتێ وان بگوهۆرن و ههلبهت ئهڤا هه بهلكى دوژمنان شیابن لهشكرێ گهل و مللهتان بكوژن، بهلێ نهشیانه شۆرهشا گهلان بكوژن، لهوا ئیرۆ ژى گهلێ مه ههرمایه و دیاره گههشتیه وى ئاستى ل سهرانسهرى جیهانێ بهێته نیاسین كو د ڤێ قووناغا ئیرۆ دا ب سهربلندى ڤه هاتیه پێش و ل گهل ڤێ ژى پشگیرى و پشتهڤانیا نیڤدهولهتى بۆ ههیه و سهبارهت وى شهڕێ ژ لایێ مهزنترین هێزا تیرۆرى ڤه ل سهر گهلێ كورد و ههرێما كوردستانێ هاتیه سهپاندن و بهلكو ئهڤاهه دیار دبیت ئهڤه دووماهى شهر و هێزا دوژمنان بیت ل چهرخێ بیست و ئێكى بهرامبهرى گهلێ مه، سهرنهگرت چونكو چو ئالیهكێ ئهو هێز و بهرهنگارى نهبوو بشێت بهرسینگى وێ بیرۆكهیا مرۆڤكوژ بگرن، تهنها كورد و قارهمانیا پێشمهرگهێن كوردستانێ نهبیت شیان وێ هێزا تیرۆرى سهرشۆر بكهن، بێگومان ئهڤ هێزا درهنده ل سهر دهستێ گهلێ كورد هاته رهڤاندن، بهلێ ههكه راستى و لێكدانهڤه یێن سیاسى درست بهێنهكرن پاشى وژدان ژى بۆ ڤێ ههبیت، سهبارهت ڤى شهڕێ ل سهر گهلێ كورد و ههرێما كوردستانێ هاتیه سهپاندن دیاره دهست و پالدهریا ڤهشارتى ل پشت وێ نهمرۆڤاتیا ل بهرامبهرى گهلێ مه هاتیهكرن و ههبوویه، چونكو مه دیت ل ههمى رهخهكێ ڤه شهر و فشارا ئابوورى گرۆڤه ههنه بۆ دهستێوهردانێن كهدخوار و بێ وژدانێن ڤى مللهتى ههبوویه، چونكو ئارمانج ژ ڤى شهڕى ئهڤه بوو ههرێما كوردستانێ بهێته داگیركرنێ، ئهو بوو بهرێ داعشێ و كهڤنه بهعسیان دایه كوردان و ههرێما كوردستانێ، بهلێ خۆراگرى و سهربلندیا كوردان ل پێش چاڤێ ههمى دونیایێ، داعش و چێكهرێن وى روورهش و سهرشۆركرن، ژ بهر كو ئهڤه راستیا وێ یه كو پترى (1050) كیلۆمهتران بهرۆكێ شهڕى ل بهر گهلێ كورد هاتبوو ڤهكرن، دا كو جارهكا دى كوردستان بكهڤیته ژێر سهپاندن و دلۆڤانیا خوهپهرهست و خوینمێژى، ڤى مللهتى دا ژ بهر هندى ههمى ههولێن وان ئهوبوون تیر و سهركهڤیت، لهوا پشتهڤانیا وان دكر دا كو ئهڤ سهنگ و پێگهى كورد و ههرێما كوردستانێ ل سهر ئاستێ جیهانى پهیداكرى كێم و لاواز بكهن و ژ لایهكێ دیڤه دى ئهڤا دى ژى بیژین شكاندنا تیرۆرستێن داعشێ بۆ خۆراگرى و پهیدابوونا وێ و رهیا پێشمهرگهین كوردستانێ دزڤریت ژ بهر كو ئهڤا هه سهرپهرشتى و پشكداریا راستهوخوهیا جهنابێ سهرۆك بارزانى ل بهرۆكێ شهڕى و د گهل وێ دابهشكرنا بنهمال و كهسێن نێزیكى خوه بۆ بهراهیا بهرۆكێن شهرێ كو بوویه هێز و پالدهریهك بۆ ههمى پێشمهرگێ كوردستانى و پاشى بوویه پشتراستیهك بۆ خهلكێ كوردستانێ، ئێدى رهڤ بۆ گهلێ كورد نینه، لهوا باوهرى و خوهبهخشیا ڤى مللهتى ل شهڕێ دژى تیرۆرستێن داعشێ بهردهوام بوو ژ بهر ڤێ چهندێ مافهكێ مهیه ئهم پهسنا سهرۆك بارزانى بكهین و ئهڤه راستیهكه ژى زڤراندنا دهڤهرێ ژ دهستێ داعشێ ئهنجامێ نهخشه و پلانێن سهرۆك بارزانى بوویه، كو راستهوخوه پشكدارى شهڕى دبوو دیاربوو ههمى ل ژێر سهرپهرشتیا وى هاته رزگاركرن، ههروهسا بلا راستیا ڤێ ژى ههبیت، چونكو نه ب تنێ مه گۆتیه ئیرۆ ل سهر ئاستێ دونیایێ ناڤودهنگێ وى بهلاڤبوو، ژ بهر كو چ سهرۆكێن جیهانێ نهچوونه بهراهیا بهرۆكێ شهرى ب تنێ سهرۆك بارزانى نهبیت كو ئیرۆ ڤێ ئێكێ دهنگى ڤهدهى لهوا هه ژى گۆتنێ یه، بێژین ئهڤا هه رامانا وێ دلسۆزى و ڤیانا سهرۆك بارزانى یه ل سهر گههشتنا ماف و ئارمانجێن ڤى مللهتى و ژ بهر ڤێ یهكێ ئیرۆ ل ناڤهند و سازیێن نێڤدهولهتى بووینه جهێ پسیار و و رێزگرتنێ و ههلبهت بۆ ڤى بابهتى دێ ڤهكرى ئاخڤین، كو جارا پهسنا كۆمهكا رێبهر و سهركردێن جیهانێ دئێتهكرن و ئهكید ب قارهمانى ددنه دیاركرن مینا عومهر موختار یان نلسوماندێلا ههروهسا غاندى و كاسترۆ و جهمال عهبدولناسڕ و گهلهكێن دى كو بهرنیاس بوونه ب خهبات و بهرهڤانیكرنا گهل و وهلاتێ خوه، بهلێ ئهگهر ئهوا راستى بهێته گۆتن، راسته ڤان كهسان خهبات و پشتهڤانیا مللهتێ خوه كرینه، بهلێ ب تنێ د چارچووڤێ وهلاتى خوه دا شهر و بهرگرى كریه كو ئهڤرۆ ناڤێ وان ل دونیایێ بهلاڤ بوویه، ئهڤجا ههكه بچین كووراتیا مێژوویێ ئهو خهبات و ماندیبوونا بارزانى د گهل قوربانیدانا ڤێ مالباتێ ناهێته وهسفكرن، ههروهسا شهر و ههڤڕكیا بارزانى تێدا رابوویه ل بهرامبهرى چهندین دوژمن و كهدخوارێن گهلێ كورد كرینه ناهێنه كێشان پیڤان ل بهر هندێ وهك رێبهر و سومبلا ڤى مللهتى دیاربوویه و بێگومان ئهم شانازیێ ژى پێ دكهین و ژ لایهكێ دیڤه ئهڤرۆ گهلێ كورد پشتراست بوویه پهیام و رژدیا بارزانى ل سهر گههشتنا ماف و ئارمانجێن ڤى مللهتى گهرهنتیهك ههیه، بۆ راگههاندن و ئالایێ دهولهتا كوردى ل سهر دهستێ سهرۆك بارزانى بهێته بلندكرن.
