پیلانێن نیڤده‌وله‌تی و مافێن كوردان!
وه‌كی دیار بۆ هه‌ر مرۆڤه‌كی خودان دیتنه‌كا زه‌لال ملله‌تێ كورد ژ كه‌ڤنترین ملله‌تێن سه‌ر ڕوێ ڤێ زه‌مینا بوویه دۆزه‌خ ل مرۆڤاتیا كه‌فتیه دبن چاكووچێ ئیمپریالیێ و به‌رژوه‌ندێن وێ یێن ل سه‌ر كوشتن و شه‌ڕ و تێكدانا بارێ ملله‌تان و نه‌چاركرنا وان بۆ خوه چه‌ماندنێ ل به‌ر فه‌رمان و پیلان و سیسته‌مێ وێ و مه كوردان ژ سه‌رده‌مێ مرۆڤێ نیاندرتال و سۆمه‌ریان كو شوونه‌وارێن وان ل هه‌می ده‌ڤه‌ر و چیایێن كوردستانێ و ل هه‌ر چار پارچان هه‌نه و تیرۆرست نكارن چیا بهه‌لوه‌شینن وه‌كی مۆزه‌خانه و نه‌بی یوونس و نه‌مرۆد هه‌لوه‌شاندی و شوونه‌وارێن شارستانیێ نه‌هێلن، چونكو رێبه‌ر و چێكه‌رێن وان شارستانیه‌ت نینه و وه‌كی سێڤانكا (جهێ كۆمكرنا گلێشێ یه) چونكو چاڤێن وان ب دیرۆك و شارستانیا مرۆڤاتیێ نا هه‌لیێت. لێ بابه‌تێ مه ئه‌ڤه نینه به‌لكێ پیلانێن نێڤده‌وله‌تی و هه‌رێمی نه ل سه‌ر دۆزا ملله‌تێ مه یا ره‌وا ئه‌و ژی ده‌وله‌تبوون و هه‌ڤگرتنه و ده‌مێ به‌حسێ ریفراندوم و چاره‌نڤیسێ ملله‌تێ كورد هاتی ئێكسه‌ر دووڤه‌لانكێن ئیمپریالیێ و ب هاریكاریا سه‌ركردێن خوه‌فرۆشێن عیراقێ و تۆلێن ئه‌مریكا ل ده‌ڤه‌رێ مووسل به‌ردان و ئه‌و هه‌می چه‌ك و ته‌قه‌مه‌نی یێن ئه‌مریكی یێن پێشكه‌فتی راده‌ستی تیرۆرستێن داعشێ كرن و ئیریش ئانینه سه‌ر ده‌ڤه‌رێن كوردستانی یێن داگیركری و ئارمانجا خوه كرن هه‌رێما كوردستانێ یا ئازاد و خستنه د مه‌ترسیێ دا و ب هه‌زاران كوشتی و گرتی و تالان وێرانكران ب شێوه‌كی هۆڤانه و دوور ژ هه‌می بنه‌مایێن مرۆڤاتیێ و هه‌ر وه‌كی چێكه‌رێن وان ئاراسته‌كری و دڤه‌رێن كوردستانێ وه‌كی شنگال و تلكێف و باشیك و به‌حزان داگیركرن كو نه د هزرێ كه‌سی دابوو ئه‌و ره‌نگێ هۆڤیتیێ بیته بكارئانین و ئه‌و بوو ده‌نگێ قیرین و نالین و هه‌تكبه‌ریا داعشێ گه‌هشته هه‌می جیهانێ، لێ پشتی كانیێن نه‌فتێ كه‌فتینه د مه‌ترسیێ ده فرۆكێن هه‌ڤالان هاتن و شه‌ڕێ داعش نه ژدل كرن و ب تنێ راوه‌ستاندن و پشتی چه‌كێ گران گه‌هشتیه ده‌ستێ پێشمه‌رگه‌ی و سه‌رۆكێ هه‌رێمێ سه‌رۆك مه‌سعود بارزانی و كوڕ و برازا و بنه‌مالا خوه ل به‌رۆكێن شه‌ڕی هاتین دیتن و وره‌یا پێشمه‌رگی زۆر به‌رز بووی و سه‌ركه‌فتن بده‌ستڤه‌ئانێن و زۆربه‌ی ده‌ڤه‌رێن كوردستانێ یێن داگیركری جاره‌كا دی رزگاركرین و ناڤ و ده‌نگێ پیرۆزێ پێشمه‌رگه‌ی دونیا هه‌ژاندی و سه‌رسۆرمانكری جاڕه‌كا دی پیلانان ده‌ستپێكر و مووچێ فه‌رمانبه‌ران هاتن بڕین ژ لایێ حوكمه‌تا فیدرالڤه و بودجه ژی هاته راگرتن و هه‌تا نها مایه و ئه‌ڤه ژی پیلانه‌كا فشارێ بوو ل سه‌ر كوردستانێ، لێ خوه‌راگریا زۆربه‌ی خه‌لكێ كوردستانێ و قاره‌مانیا پێشمه‌رگه‌ی و ئێكهه‌لوێستیا پارت و لایه‌نێن كوردستانێ هه‌مێ پیلانێن چه‌په‌لێن نه‌حه‌زێن مرۆڤاتیێ پوچه‌لكرن و رۆژ ب رۆژ سه‌ركه‌فتنان بده‌ستڤه‌دئینن و هه‌ر سه‌ركه‌فتن به‌هرا خه‌باتا ملله‌تێ مه‌یه و دۆزا مه‌ره‌وا گه‌هشتیه هه‌می جڤاكا جیهانی و هاریكاری و پشته‌ڤانی د به‌رده‌وامن و ب دیتنا مه هه‌كه پشته‌ڤانێن داعشان رێیێ بده‌ن و روێ خوه یێ راسته قینه دیاربكه‌ن ب زۆترین ده‌م دێ هه‌می ده‌ڤه‌رێن كوردستانێ ئازاد ببن و ئه‌و سنۆرێ ب خوینا گه‌شا كوڕێن كوردستانێ هاتیه ئازادكرن دێ ببن سنۆرێ باشۆرێ ده‌وله‌تا مه‌زنا كوردستانا ئازاد و هه‌ڤگرتی و ئه‌و ژی ب ئێكهه‌لوێستیا هه‌می پارتێن كوردستانێ و خه‌باتكرن ب گیانه‌كێ كوردانه و دوور ژ حزباتیا به‌رته‌نگ و پیلانێن نه‌حه‌زێن ملله‌تێ كورد ژ ده‌وله‌تێن هه‌رێمێ و جیهانا خوینمژ و ئیمپریالیا خوه سه‌پاندی ب ئێك چه‌مسه‌ریا د ناڤ خوینا ملله‌تان دا دگه‌ڤزینه و بازرگانیێ ب چاره‌نڤیسێ وان دكه‌ت، لێ سه‌ركه‌فتن هه‌ر به‌هرا خه‌باتا ملله‌تانه و رووره‌شی بۆ خوینمژ و بازرگانێن خوینا هه‌ژارانه.
