پێداچوون د كرێیا خواندنێ دا ل زانكۆ و په‌یمانگه‌هان دێ هێته‌كرن
هه‌ولێر، قائید میرۆ:
دو سالێن بۆری ژ ئه‌گه‌رێ ڤایرۆسێ كۆرۆنایێ كرێیا خواندنێ ل زانكۆ و په‌یمانگه‌هێن تایبه‌ت ب رێژا 25%ێ هاتبوو كێمكرن و ئه‌ندامه‌كا لژنا په‌روه‌ردێ ژی ئاشكرا كر، هه‌كه ئه‌ڤ ساله ژی ره‌وشا دارایی یا گونجای نه‌بیت دێ كرێیا خواندنێ هێته كێمكرن.
گۆلستان باقی، ئه‌نداما لژنا په‌روه‌ردێ ل په‌رله‌مانێ كوردستانێ بۆ رۆژناما ئه‌ڤرۆ دیار كر، د سالێن بۆری دا لژنا په‌روه‌ردێ رۆله‌كێ كاریگه‌ر د كێمكرنا كرێیا خواندنێ دا ل زانكۆ و په‌یمانگه‌هێن تایبه‌ت هه‌بوو و گۆت: “سیسته‌مێ په‌ڕه‌لێل ل زانكۆیێن حوكمه‌تێ، ئه‌ڤ ساله ژی لژنا په‌روه‌ردێ دێ بزاڤێن كێمكرنا كرێیا خواندنێ كه‌ت و ل رۆژێن داهاتی لیژنه دێ هه‌لویستێ خوه دیاركه‌ت، چونكو ئه‌م دێ بزاڤان كه‌ین كێمترین پاره بۆ كرێیا خواندنێ ژ قوتابیان بهێته وه‌رگرتن و ره‌وشا ئابووری یا وه‌لاتیان و قوتابیان ل به‌رچاڤ بهێته وه‌رگرتن”.
گۆلیستان باقی ئاماژه ب وێ چه‌ندێ ژی كر كو هه‌رچه‌نده هه‌تا نوكه چو بڕیارێن فه‌رمی بۆ كێمكرنا كرێیا خواندنێ نینن و گۆت: “به‌لێ هه‌كه بزانین كرێیا خواندنێ دێ بیته بارگرانی ل سه‌ر قوتابیان و ره‌وشا دارایی وه‌ك پێتدڤی نه‌بیت، بێگومان دێ بزاڤان كه‌ین بهایێ خواندنێ ل زانكۆ و په‌یمانگه‌هێن تایبه‌ت بهێته كێمكرن، یان هه‌ر چو نه‌بیت وه‌ك سالێن بۆری رێژه‌یه‌ك ژ كرێیا خواندنێ دێ هێته كێمكرن”.
