پێدڤیه ئێكگرتن ههبیت ژبۆ بدهستڤهئینانا مافێن وهلاتیان
ههژین رێكانى
د ڤى دهمى دا ل پارێزگهها كهركووكێ رهوش گههك ئالۆزه و بهردهوام بنپێكرن ههمبهرى وهلاتیان دهێنهكرن و چهندین كهس بووینه قوربانى، ههتا گههشتیه وى رادهى كو خهلكێ كهركووكێ باوهرى ب چوو دهزگههێن ئهمنى نههێت، ژبهرڤێ نوكه كهركووك د رهوشهكا خراپ یا ئهمنى دایه، ههروهكو داعش یا ل كهركووك دوباره دبیت و دهست ب بزاڤ و چالاكیێن خوه دكهت ڤه.
سۆتنا دهغلودانێ جۆتیار و زێدهبوونا كریارێن تیرۆرستى و تهقینان ئاماژهیه كو كهركووك باژێرهكێ بێ خودانه و كونترۆلكرنا رهوشا ئهمنى یا كهركووكێ ژ دهست دهزگههێن ئهمنى دهرچوویه و ئهڤ یهك ژى بوویه ئهگهر كو كورد كهركووكێ بجهبهێلن، دیسا پشتى روودانێن 16 ئوكتوبهرێ بهغدا پهنا بریه بهر توندوتیژیێ ههمبهرى كوردان، عیراقێ چ بزاڤ بو چارهسهركرنا رهوشا كهركووك نههاڤێتینه.
ئهگهر ئهم بزڤرینه سیاسهتا پارت و حزبێن كوردستانى، ل شوونا وێ یهكێ پارتێن كوردى بزاڤێ بكهن بۆ باشتركرنا رهوشا خهلكى و بهرژهوهندیا گشتى، كهركووك د رهوشهكا خراپ دا دژیت و پێدڤى ب خودانهكێ یه كو پارێزگاریێ ل سهر مال و سامانێن وان بهێتهكرن، پهنابریه بهر بهرژهوهندیێن حزبایهتى، ژبهرڤێ نوكه رهوشا كهركووكێ پێدڤى ب چارهسهریهكا بلهزه، چونكى لژنێن دهرڤهیێ كارگێریا ههرێما كوردستانێ ددهن دیاركرن كو روودانێن كهركووكێ و دهوروبهران رهنگهكێ عهرهبكرنێ یه ههمبهرى كوردان ب ئاشكرایى دهێتهكرن، دیسا راگههاندنا پهرلهمانێ كوردستانێ ددهت دیاركرن كو سهر و مالێ وهلاتێن كهركووكێ ب گشتى و كوردان ب تایبهتى د مهترسیێ دایه، هێزێن عیراقى و میلشیاتێن وان ب چو رهنگان شیانێن پاراستنا ئهمن و ئاسایشا كهركووكێ و وهلاتیان نینه، ژبهرڤێ شوونا پارتێن سیاسى شهرى بۆ نههێلانا زولم و ستهمێ ل سهر وهلاتیان بكهن، یێ شهرى بۆ پله و پۆستان دكهن، گرنگه ئێدى كورد رێكبكهڤن و رهوشا كهركووك ئاسایى بكهن، نابیت وهكو پێكئینانا كابینا نوو یا حوكمهتا ههرێما كوردستانێ ئاسایكرنا كهركووكێ ئاسایى بیت.
دهربازبوونا زێدهتر یا دهمى ل سهر رهوشا ب ڤى رهنگى یا كهركووكێ دێ رهوشتى بهر ب خراپتر ڤه بهت و زێدهتر قوربانى ههبن، ژبهرڤێ گرنگه پۆستێ پارێزگارێ كهركووكێ بهێته ئێكلاكرن، ئهڤجا ژ ههر پارتهكێ بیت نه گرنگه، گرنگ ئهوه خزمهتا خهكى بهێتهكرن، ئانكو گرنگه ل دهما بهرتهنگیێ پارتێن سیاسى زێدهتر ب بهرپرسیارهتى كار بكهن، نه وهكو ههندهك پارتێن سیاسى بیت دهما كو رهوش ئالووز بیت خوه ڤهكێشن ژ بهرپرسیارهتیێ وهكو چاوا گۆڕان و كومهلێ و دووڤ دا ژى ئێكگرتوو خوه ژ حوكمهتا ههرێما كوردستانێ ڤهكێشایی، چونكى ل وى دهمى رهوشا نهخۆش بو و داعش ب هێز بوو و شهر ههبوو و ئاواره و پهنابهر زۆر بوون و قهیرانا دارایى یا گران بوو، دووڤ دا شهرێ سیاسى ههمبهرى عیراقێ دهركهفت، یا گرنگ بوو ئێكگرتن ههبایه و زێدهتر كار ل سهر خزمهتكرنا گشتى هاتبایهكرن، بهلێ جهێ داخێ یه ئهو روودا یا هاتیه دیتن، ل وى دهمى پارتى و ئێكهتى بهردهوام بوون و بهرپرسیارهتى ب ستوویێ خوڤه گرت یا گرنگه ب ههمان رهنگ د نوكه ژى دا پارتێن سیاسى نابیت ڤێ یهكێ ب دهلیڤه ببینن بۆ بهێزكرنا پێگههێ خوه یێ جهماوهرى بهلكو دڤێت بۆ بهرژهوهندیێن خهلكى كار بكهن و دهست ب پاراستنا سهر و مالێ وهلاتیان بكهن و رهوشا ئهمنى یا ئارام دابین بكهن، گرنگه پارتێن سیاسى تهنازولان بۆ ههڤدو بكهن و رێكهفتن ژ بۆ بهرژهوهندیا گشتى بكهن و دهست ب خزمهتكرنا خهلكى بكهن.
