پێدڤییە ب لەز كۆمسیۆن بهێتە كاراكرن
ئەڤرۆ
ئەڤرۆ، زنار تۆڤی:
سەرۆكێ كۆمسیۆنا بلندا سەربخوە یا هەلبژارتن و راپرسییێ ل هەرێما كوردستانێ دیار كر، ژ پێخەمەت ئامادەكاریێن هەلبژارتنێن پەرلەمانێ كوردستانێ پێدڤییە لەز د كاراكرنا كۆمسیۆنێ دا بهێتە كرن، چونكی هندی رۆژەكێ زووتر بهێتە كاراكرن باشترە، داكو زووتر ئامادەكاری بۆ هەلبژارتنان بهێنە كرن.
هندرین محەمەد سالح، سەرۆكێ كۆمسیۆنا بلندا سەربخوە یا هەلبژارتن و راپرسییێ بۆ رۆژناما ئەڤرۆ گۆت: «كاراكرنا كۆمسیۆنا بلندا سەربخوە یا هەلبژارتن و راپرسییێ د دەستهەلاتا پەرلەمانێ كوردستانێ دایە و ل وێرێ لژنەكا پێنج كەسی هاتییە دروستكرن، ئەو وی كاری دكەن، ئەو لژنە دێ بڕیارێ دەت، كانێ چاوا كۆمسیۆن دێ هێتە كاراكرن».
گۆتژی: «نوكە مە دو ئەندام نەماینە و حەفتێن دیتر ژی دەمێ وان ب سەرڤە چوویە، بەلێ پەرلەمانێ كوردستانێ دشێت ب بڕیارەكێ كۆمسیۆنێ كارا بكەت و ئەندامێن نوو دەست نیشان بكەت، یان ژی هەر وان ئەندامێن بەرێ دیار بكەت، داكو كارێ خوە بكەن».
