پێدڤیێن نوشداری گەھاندنه کەمپا داودیێ
شێلادزێ، نەوزاد زادە ھلوری:
ئەڤرو 6ى نيسانا 2015ێ دەزگەھێ خێرخوازیێ بارزانی نەمر پێدڤیێن نوشداری گەھاندنە کەمپا داودیێ ل ناحیا بامەرنێ.
شەڤگێر رەمەزان نوونەرێ دەزگەھێ بارزانی ل ئامێدیێ بو ئەڤرۆ نیوز گۆت: “ئەڤ پێدڤیی یە پێکھاتبوون ژ حەب و کیج و دەزگەھێ زختێ و دەزگەھێ پشکنینان و ماسک و لوکە و لەفاف و چەند پێدڤیەکێن دن کو پتر بوون ژ ٢٠ کارتونان و ئەڤ پێدڤی یە رادەستی بنگەھێ تەندروستیێ کەمپا ناڤھاتی ھاتنەکرن”.
زێدەتر گۆت: “سوبەھی ژی 7ى نيسانێ دێ ھەمان پێدڤیێن نوشداری بۆ کەمپێن سەر ب ناحیا شێلادزێ ڤە ھێنە دابەشکرن”.
شەڤگێری دازانین ژی کو نوونەراتیا دەزگەھێ خێرخوازیێ بارزانی نەمر ل ئامێدیێ کو بنگەھێ وێ دکەڤیتە ناحیا شێلادزێ د دەمێ بوریی ژی دا چەند پێدڤیەکێن دن بوو کەمپێن دھوک و ئاکرێ و چەند کەمپەکێن دن دابینکرینە و بەرنامەیێن باشتر ژی ل بەر دەستن بو ئایندە.
