پێدڤیێن چاندنێ ل سەر جۆتیارێن ئافرەت ل ئامێدیێ هاتنە پارڤەكرن
ئامێدیێ، مەحمود نهێلی:
هەژمارەكا ئامیرە و كەرەستەیێن پێدڤی یێن چاندنێ ل سەر 21 جۆتیارێن ئافرەت ل دەڤەرداریا ئامێدیێ هاتنە پارڤەكرن، كو بەری نوكە وان ئافرەتان پشكداری د خولێن راهێنانێن پیشەیی دا كر بوو.
ئەندازیار هەكار حەمید، رێڤەبەرێ چاندنا ئامێدیێ بۆ رۆژناما ئەڤرۆ دیار كر، ئەڤ ئامیرە ب مەرەما هاندانا وان ئافرەتان بوویە، ژ بۆ ئەنجامدانا كارێن چاندنێ و جۆتكاریێ، ئەو ئامیرە و كەرەستەیە ژ لایێ رێڤەبەریا چاندنا ئامێدیێ و رێكخراوا LWF یا جیهانی ل سەر وان هاتنە پارڤەكرن، داكو بشێن كارێن چاندنێ ئەنجام بدەن.
ئەندازیار هەكار گۆت: «خۆلەكا هشكرنا فێقی ل ناوچەداریا سەرسنكێ دەسپێكریە، ئەڤ خۆلە ژ لایێ رێڤەبەریا چاندنا دەڤەرداریا ئامێدیێ ب هەڤكاری ل گەل رێڤەبەریا گشتی یا چاندنێ ل پارێزگەها دهۆكێ و دەڤەرداریا ئامیدیێ و رێڤەبەریا راهێنانێن پیشەیی ل دهۆكێ و رێڤەبەریا ناوچەداریا سەرسنكێ و رێكخراوا I.L.O و ب پشتەڤانیا حكومەتا هولەندی هاتینە ڤەكرن و 32 ئافرەت تێدا پشكدارن و پشتی ب دووماهی ئینانا خۆلێ گەلەك ژ وان دێ بنە خودان كار».
