پێدڤیە ئەكتەرێن كچ پشتەڤانیا هەڤدۆ بكەن
ئەڤرۆ
پەروین سەلاح:
ڤیان عەباس، ئەكتەر و پێشكێشكار، د دیدارەكێ دا بۆ رۆژناما ئەڤرۆ گۆت: ب دیتنا من نوكە پتر ژبەرێ خێزان رێ ددەنە كچێن خوە د بۆارێ هونەری دا كاربكەن و هەر دەمێ خێزان یا هاریكار و پشتەڤان بوو ئەو كچ یان ژن دێ پێشكەڤیت.
ڤیانێ گۆت: هەر چەندە نوكە ل پارێزگەها دهۆكێ هژمارەكا كچان وەك ئەكتەر رۆلێ خوە دبینن، لێ هێشتا هژمارا وان یا كێمە و پێدڤیە زێدەتر بن، هەروەسا پێدڤیە كچێن ئەكتەر ب خوە ژی بزاڤێ بكەن كو هندەك كچ و ژنێن دی بینە دناڤ بۆارێ هونەری دا و بۆ وان باوەریێ چێكەن كو كاركرن دبۆارێ هونەری دا خزمەتەكا پیرۆزە مرۆڤ بۆ وەلاتێ خوە دكەت، بۆ زانین من وەك ئەكتەر پشكداری د چەند كارێن هونەری دا كریە و هەتا نوكە یا بەردەوامم و ئەز ناهێلم، هەروەسا ژبلی كارێ هونەری ئەز دەرمانسازم ژی.
