پێدڤیە ئەمریکا دەستان ژ کوردان بەرنەدەت
ئەڤرۆ نیوز:
لیندسی گراهام سیناتۆرێ ناڤدارێ کوماریان ل ئەمریکا راگەهاند کو کوردان ل سووریێ و عیراقێ د شەرێ ل دژی داعشێ دا رۆلەکێ سەرەکی گێراینە و نها دڤێت ئەمریکا وان ب تنێ نەهێلیت و گۆت: (ب تایبەتی نها کوردێن سووریێ چاڤەرێ پشتەڤانیا ئەمریکا نە، هەکە ئەم وان ب تنێ بهێلین دێ تورکیا هێرشی وێرێ کەت و دێ کورد تووشی کارەساتەکا دی یا مەزن بن، ژ بەر هندێ دڤێت ئەم کوردان ب تنێ نەهێلین).
ل دۆر ڤەکێشانا ئەمریکا ژ سووریێ ژی سیناتۆرێ ئەمریکی راگەهاند کو دڤێت ئەمریکا لەزێ د ڤەکێشانێ دا نەکەت، چونکو رەنگە گوهۆرینێن نوو ل سووریێ و هەموو دەڤەرێ دروست ببن.
